Chaplin

Open Now

Now Closed

見到門面英倫風幾骨子入去試吓食晏，不過服務員好似唔多歡迎，對客人笑容欠奉，但同其他同事有講笑，呢啲唔知係咪叫professional呢？我唔懂😅。未夠12:00一開門就入去，話卡位比book位嘅人，四人枱又話唔坐得，最後好勉強咁比我地係「坐住先」。不過到個幾鐘後差唔多走都冇人，亦唔覺有人特別request卡位，只係有4個人入嚟坐4人枱。客人唔多，唔知hold住啲位做咩。話晒我哋午餐都食咗$600埋單。可能佢哋留比啲食得再貴啲嘅人呱。食物方面，叫咗魚，但肉質又硬又鞋；比高包都係好硬，可能我唔識食。另外叫咗青口，但好細粒，大過指甲少少，配好似泰式酸辣醬，真係食唔慣😂。店員話晚餐青口會大啲同有唔同煮法。九龍城區嚟講，環境係ok嘅。不過可惜吖。雖然是次經驗有點失望，但我都好用心同佢嘅環境影靚相🤪。