富田和食亭 (油麗商場)

Open Now

Now Closed

原本諗住放題一定去到旺角先有，但原來屋邨商場就可以搵到。 呢間日式放題店雖然唔算好大，但放題既食物種類好多，你睇下d 單就知。 今次主要食刺身同壽司。刺身種類都幾多，口感新鮮，三文魚size 唔算好大，但勝在夠多夠新鮮。甜蝦都唔細，有d 睇頭。仲要有乾冰造出煙霧效果，係正既！ 壽司方面，火炙三文魚，花之戀等都交足功課。花之戀食落啖啖三文魚肉，火炙新鮮熱辣。鰻魚壽司都係真。鰻魚，而非用海鰻代替。 除左一般既汽水飲料，亦會有清酒梅酒供應。基本上都係無限添飲，酒鬼想暢飲一番都冇問題。價錢都可以接受，有機會再黎食刺身飲清酒先～