Video
Read full review
2017-08-14
333 views
食傳統西餐，牛扒，大魚大肉就食得多，同班friend 想食素少少，於是，我地決定左試試素食一番。 餐廳環境好寧靜，十張桌左右，感覺似係一間樓上cafe, 做的是訂座客人的生意。 位置非常方便，只是橦大廈都幾難搵，大家要認真望住google map先搵到。食物方面，每晚既晚餐會有2個選擇，而我就覺得二個都好吸引，揀左好耐終於都揀到啦。 頭盤係一盤好精緻既沙律，賣相好好，味道都不錯。意大利菜湯有好濃既番茄味，同埋落左紅菜頭去煲，味道十分濃郁，飲頭二啖會滿腦子問號，但愈飲就覺愈好飲，成碗飲曬，仲有無限供應的面包提供。前菜有醬燒茄子同埋黑松露芝士炸薯球，呢個薯球真係值得推薦，外脆內軟咪就係呢啲囉，內內包住左黑松露，超正。我的主菜是花椰菜黃薑飯伴冬蔭杏鮑菇，一邊食一邊飲返杯玫瑰花茶，好寫意，吾留言都吾知自己食緊菇，菇既味道& 口感同雞真係冇分別。 味道淡淡的，吾會太濃，令人有一陣清幽的感覺。話明係dinner set 當然吾少得有甜品，香脆熱辣辣的窩夫配上一球凍冰冰的雲尼拉雪糕，再配上芒果醬，係一個完美的落幕。價錢來講，二百幾吾算貴，有一個靜靜地既地方俾成班人聚下，老闆夥計們又會同客人傾下，了
食物方面，每晚既晚餐會有2個選擇，而我就覺得二個都好吸引，揀左好耐終於都揀到啦。 頭盤係一盤好精緻既沙律，賣相好好，味道都不錯。意大利菜湯有好濃既番茄味，同埋落左紅菜頭去煲，味道十分濃郁，飲頭二啖會滿腦子問號，但愈飲就覺愈好飲，成碗飲曬，仲有無限供應的面包提供。
前菜有醬燒茄子同埋黑松露芝士炸薯球，呢個薯球真係值得推薦，外脆內軟咪就係呢啲囉，內內包住左黑松露，超正。
我的主菜是花椰菜黃薑飯伴冬蔭杏鮑菇，一邊食一邊飲返杯玫瑰花茶，好寫意，吾留言都吾知自己食緊菇，菇既味道& 口感同雞真係冇分別。 味道淡淡的，吾會太濃，令人有一陣清幽的感覺。
話明係dinner set 當然吾少得有甜品，香脆熱辣辣的窩夫配上一球凍冰冰的雲尼拉雪糕，再配上芒果醬，係一個完美的落幕。價錢來講，二百幾吾算貴，有一個靜靜地既地方俾成班人聚下，老闆夥計們又會同客人傾下，了解下我地有咩需要改善，我覺得甘以人為本的餐廳依家真係買少見少，有時間會再去光顧。
Post
