Video
Read full review
2018-06-28
235 views
今晚同朋友黎尖沙咀買野，行到攰就搵野食，見到天文台道呢間八居酒屋門口裝修簡約，落地大玻璃見到入面環境幾舒適，就同朋友入黎試，搵個地方坐下可以談談心。先黎一杯食居酒屋必叫的梅酒，$58, 香甜冰凍，易入口，梅味夠重，酒味好香醇。必治雞肉串，$38, 可以點特製的䜴油加攪勻的蛋黃汁黎食，更加鮮味，雞肉入口嫩滑，好juicy,入面仲有混有少少雞軟骨粒，令到口感更豐富，咬落卜卜脆的。名古屋炸雞翼，$38/2隻，面有芝麻一齊炸，好香，皮脆肉滑，炸粉好薄，肉質鮮甜嫩滑，食落好滋味呀。燒大啡菇，$38, 我好鐘意食大啡菇因為個肉質厚身得黎又多汁，香濃菇味，軟綿綿的口感，加上有木魚絲，味道更香濃。仙台名物，牛舌厚燒，$138,之前係日本食過一次就對呢種地道的特式燒牛舌念念不忘，肉厚，入面呈淺粉紅色，十分嫩滑多汁，咬落又有啲爽口的感覺，外皮燒得好香口，係食過最好味的燒牛舌呀。燒牛舌，$42/串，呢種牛舌都好厚身，燒得好爽口多汁。燒大蝦，$38/串，蝦肉彈牙爽口，蝦味濃，燒得剛好夠乾身，唔會過火太乾。燒五花腩，$28/串，豬肉半肥瘦，油脂味好香濃，肉質嫩滑爽甜。牛肉蕃茄烏冬，$88, 個蕃茄湯底真係好好飲
先黎一杯食居酒屋必叫的梅酒，$58, 香甜冰凍，易入口，梅味夠重，酒味好香醇。
必治雞肉串，$38, 可以點特製的䜴油加攪勻的蛋黃汁黎食，更加鮮味，雞肉入口嫩滑，好juicy,入面仲有混有少少雞軟骨粒，令到口感更豐富，咬落卜卜脆的。
名古屋炸雞翼，$38/2隻，面有芝麻一齊炸，好香，皮脆肉滑，炸粉好薄，肉質鮮甜嫩滑，食落好滋味呀。
燒大啡菇，$38, 我好鐘意食大啡菇因為個肉質厚身得黎又多汁，香濃菇味，軟綿綿的口感，加上有木魚絲，味道更香濃。
仙台名物，牛舌厚燒，$138,之前係日本食過一次就對呢種地道的特式燒牛舌念念不忘，肉厚，入面呈淺粉紅色，十分嫩滑多汁，咬落又有啲爽口的感覺，外皮燒得好香口，係食過最好味的燒牛舌呀。
燒牛舌，$42/串，呢種牛舌都好厚身，燒得好爽口多汁。燒大蝦，$38/串，蝦肉彈牙爽口，蝦味濃，燒得剛好夠乾身，唔會過火太乾。
燒五花腩，$28/串，豬肉半肥瘦，油脂味好香濃，肉質嫩滑爽甜。
牛肉蕃茄烏冬，$88, 個蕃茄湯底真係好好飲，清甜可口，有好濃郁的蕃茄味，肥牛份量多，切得夠薄，肉質嫩滑，烏冬彈牙爽口，吸收晒湯底的精華，好入味。
Post
