Video
Read full review
2023-10-16
227 views
今日同老友們都早收工，就約埋食個晚餐，呢間聚聚都知開左一段時間一直想試試，知道係中菜館睇過d相都幾有特色，今日就一於約埋黎試試啦。我地晚上6點鬆d左右到，當時仲有好多位，去到7點左右就開始爆場了，環境都真係幾舒適，位與位之間都有d距離人多都唔會好迫，茶位每人11蚊上左一壺類似煎茶既茶，茶味都幾濃，落單方式都係用QR code，我地就慢慢睇慢慢點餐。涼拌爽脆魚皮先黎個頭盤魚皮，呢款涼拌魚皮我都係第一次食，魚皮爽口彈牙，配上蘿蔔絲同青瓜絲幾清新，不過就幾辣下，怕辣既朋友要留意下。炭燒檸檬豬頸肉呢份豬頸肉份量好多下喎，我諗有廿幾三十塊，擺盤都幾有心思，賣相好好，燒得都幾好唔會太過火，口感爽脆，係欠點特色純粹加d檸檬汁咁解，但68蚊黎講係非常抵食。土豪雪茄春卷又係一款打卡既食物，造型唔洗講一定滿分先，春卷餡係蝦膠，蝦味都幾出，再配上少少類似可可粉咁既調味料，真係好睇又好食。椰皇雞燉珍寶花膠叫左個燉湯飲下，好香既椰香味再配上一大塊花膠，好滋潤，椰肉好燉到好輕易咁挖出黎，火喉好夠。松露海鮮炆飯輕微既松露味加上醬汁一齊煮既珍珠米好香口，雖然係炆飯但都唔會好濕飯粒粒粒分明，配料都有唔少蝦粒，幾足料。小
我地晚上6點鬆d左右到，當時仲有好多位，去到7點左右就開始爆場了，環境都真係幾舒適，位與位之間都有d距離人多都唔會好迫，茶位每人11蚊上左一壺類似煎茶既茶，茶味都幾濃，落單方式都係用QR code，我地就慢慢睇慢慢點餐。
涼拌爽脆魚皮
先黎個頭盤魚皮，呢款涼拌魚皮我都係第一次食，魚皮爽口彈牙，配上蘿蔔絲同青瓜絲幾清新，不過就幾辣下，怕辣既朋友要留意下。
涼伴爽脆魚皮
$58
14 views
0 likes
0 comments
炭燒檸檬豬頸肉
呢份豬頸肉份量好多下喎，我諗有廿幾三十塊，擺盤都幾有心思，賣相好好，燒得都幾好唔會太過火，口感爽脆，係欠點特色純粹加d檸檬汁咁解，但68蚊黎講係非常抵食。
炭燒檸檬豬頸肉
$68
21 views
0 likes
0 comments
土豪雪茄春卷
又係一款打卡既食物，造型唔洗講一定滿分先，春卷餡係蝦膠，蝦味都幾出，再配上少少類似可可粉咁既調味料，真係好睇又好食。
土豪雪茄春卷
$58
32 views
0 likes
0 comments
椰皇雞燉珍寶花膠
叫左個燉湯飲下，好香既椰香味再配上一大塊花膠，好滋潤，椰肉好燉到好輕易咁挖出黎，火喉好夠。
椰皇雞燉珍寶花膠
$98
22 views
0 likes
0 comments
松露海鮮炆飯
輕微既松露味加上醬汁一齊煮既珍珠米好香口，雖然係炆飯但都唔會好濕飯粒粒粒分明，配料都有唔少蝦粒，幾足料。
松露海鮮炆飯
$98
20 views
0 likes
0 comments
小蟶濃湯浸時蔬
食咁多肉叫返碟菜清一清，小蟶應該係急凍蟶子黎，但口感都好爽脆無雪味，上湯味道都好鮮甜，菜都好新鮮。
小蟶濃湯浸時蔬
$88
17 views
0 likes
0 comments
乾煸四椒肥腸
最後出場既就係呢份豬大腸，豬大腸炸得好香脆無異味，撈勻辣椒辣味出晒黎。
乾煸四椒肥腸
$128
13 views
0 likes
0 comments
總結黎講食物水準一行人都好滿意，有特色又好食，下次都會黎試下其他款式小菜，服務員都係年輕班底，好爽手都幾有禮貌，環境黎講都好舒適，埋單後仲有幾張優惠券送返食250蚊減50蚊，下次再黎食又抵d。
Post
