伙食工業 (Closed)

朋友介紹呢度ｌｕｎｃｈ唔錯，咁岩黎到呢區就上黎試下。餐廳好大，好光猛，裝修十足睇台灣電影嘅電單車cafe咁，坐得舒服。我叫左紅燒半筋半牛麵，湯底甜甜地，牛肉吸收哂湯既味道，唔韌，蘿蔔香甜無渣煮得好淋，麵煙煙韌韌，有咬口，吸收左湯嘅精華，唔錯！另外朋友嘅炸雞扒飯我試左小小覺得只係一般，雞扒新鮮炸起香脆，但炸粉略嫌太厚，雞肉亦可能因為雪得太耐無咩味！碗飯好香，上面灑上幾粒黑芝麻，增強味覺享受！最後食過小小雜錦涼拌面，撈芝麻醬食十分開胃，面上有蝦，蛋絲，青瓜絲，蘿蔔絲等，食落口感覺輕一零負擔，麵質爽唔會過淋，好啱夏天食！