美心香港地 (Closed)

好舒服好寬敞，因為都係新開左無耐，光猛兼乾淨，加上呢間餐廳行比較高檔既路線，所以好重視環境。食物：因為行較高檔既路線，野食都明顯較有心思。唔會係好普通既茶餐廳既食物。價錢：價錢比較貴，基本一個飯連野飲都要約70蚊。但因為入面既野食都係比較特別同有心思，所以呢個價錢都接受到。無骨海南雞飯配例湯：呢碟海南雞幾有心機，幫你去哂骨，令你食落去啖啖肉，唔似其他普通成日要自己挑骨，或者食食下咬到碎雞，特別滋味。個油飯既份量十足，雞亦都夠送足成碗飯。加埋個例湯冬瓜薏米湯，好飽！