美心香港地 (Closed)

第一次生氣到來寫評價，從來冇經歷過咁伏嘅餐廳 .千萬不要來這家吃 我問服務員 問佢尼個係唔係很多人叫 佢答我小小 我直接傻左，跟住問佢會唔會辣 佢好唔耐煩話 頭先都講左小小咯 食物我直接睇到都唔想食

今日想慳返四個口罩，又見到***外賣app***有優惠喎！計落好似真係平過自己煮，大家又可以揀自己鍾意食嘅嘢！焗厚切豬扒鮮茄飯：＄62果然好厚嘅豬扒，豬扒鬆軟味道不錯。最喜歡多茄汁，而且仲有一啲新鮮蕃茄，感覺真材實料。而且炒飯嘅份量十足，超級飽！星洲炒米：＄58配料十分多，有叉燒絲、芽菜、九黃、久黃、蝦仁和火腿絲，米粉炒得夠乾而且帶點微辣，食到底也沒有油，認真夠鑊氣！XO醬豬扒炒即食麵：＄60眼睇份量不算太多但是吃清光就感覺到非常飽肚，XO醬好惹味，豬扒切件份量OK，即食麵炒得均勻。滑蛋蝦仁飯：＄60最喜歡這個飯多汁，蝦仁不算太多，只有五至六件，算是中規中矩而最清淡的一個飯。

今日唔想煮飯，落樓下求其搵左間餐廳食晚餐，叫左煎蛋免治牛肉飯同栗米魚柳飯。賣相唔差，太陽蛋同肉醬幾夾。魚柳唔算滑，不過勝在夠多粟米汁，焗飯黎講唔算乾身，易入口。

放假唔知食咩好，商場食肆中午時段間間都要取票籌等位，想了一回剛醒起附近有間香港地，這裡挺大間應該不用等太久。餐牌不時會轉換新菜式。瑤柱雞粒炒飯一大煲挺多的，瑤柱幾大粒咬下有鮮味，雞肉肉質嫰滑，炒飯夠醬汁又炒得乾身。頭抽M5和牛炒河餐，原鑊送上份量頗多，牛肉好大塊有咬口，有頭抽炒味道鮮唔會太咸。沙嗲牛肉即食麵，配日本農場炒蛋、火腿、腸仔、牛油厚多士。炒蛋非常香甜幼滑有蛋香，厚多士夠鬆軟。熱奶茶，茶底濃郁奶幼滑。熱咖啡，夠香濃醇厚。

今日約左朋友喺馬鞍山新港城睇戲，未夠鐘當然要醫肚先，去左香港地開餐，以為普通快餐廳，非也，所以唔介紹唔得.⭐️頭抽乾炒M5澳洲和牛河粉 🐮有鑊氣，無論河粉或和牛都夠惹味，乾身唔油膩，食到舔舔脷 😋.⭐️香港地重量級咖喱豬扒飯 🐷豬扒大塊得唻都鬆脆可口，仲要有2塊，果然重量級，連霖霖食飽都忍唔住搣唻食，配埋甜辣得宜咖哩，想唔清碟都難.⭐️砂鍋·窩蛋三蝦香菇炆飯 🦐呢個得，霖霖食左2碗，砂鍋上 keep 住熱度，炆飯濕度剛好，讚👍🏻 .⭐️沙嗲牛肉麵·配日本農場炒蛋·火腿·香腸·牛奶厚多士 🍳經典之選，沙嗲香濃，日本農場蛋有香香蛋味 .⭐️倒轉 Summer 沙冰奶（士多啤梨、濃朱古力、紅豆）餐飲轉配只需加$18，根本2杯份量，三款都正，但我極力推薦朱古力，夠晒濃郁😋

成日聽人講馬鞍山是美食沙漠，但見到兩個商場內其實都有不少食店和選擇丫...本身想去出另一間食肆食野的，點知又要排隊....最後黎左呢間香港地食野，餐牌上野食的種類都有好多呀。最後嗌左個牛河同粉絲雜菜煲黎食，未有機會試特飲，但整體都唔錯

馬鞍山是出名的美食沙漠，我最喜歡接受挑戰，假日便到來探索，商場人流好旺，我不算太肚餓，決定試茶餐滑蛋炒得半生熟，口感幼滑，蛋味香，腸仔煎得微香，火腿鹹香，多士香脆米粉熱騰騰，米粉幼細，肉碎有點像泰式，香辣惹味，午餐肉較少，不過唔油膩話梅沙示冰好懷舊啊，小時候好奇大人會飲，長大後終於有機會試，酸酸甜甜解渴，味道有點苦，試過就算經典奶茶較適合我，茶餐廳真是最好飲，茶底香濃，入口醇香，口感幼滑，熱飲更香

我又去馬鞍山遊遊，順便周圍搵食，這個大商場有一間食肆我一直想試，但又怕排隊，今次見下午茶時間排隊只需等一張枱，可以試啦倒轉 $38有士多啤梨、朱古力、紅豆味選擇，我選擇了士多啤梨，冰粒打得很碎，每一口沙冰都有濃香士多啤梨味，香甜解渴，慢慢飲，維他奶會慢慢倒入沙冰內，味道出奇地夾，好襟飲，好睇又好飲蔥花厚蛋治 $32每片包都有烘過，每邊最外層都夾牛油，內層夾厚厚蔥花蛋，約3寸多，蔥味香蛋夠滑咸牛蔥花厚蛋治 $32每片包都烘過香脆，左右最外層都夾牛油，內層夾厚厚咸牛蔥花蛋，鹹味適中，約3寸多，蛋香又滑，很飽肚蛋治可以叫套餐，免費轉話梅沙示沙

本住穩陣食個快飯去食美心集團呢間高級茶記，叫個二人餐連老火湯,小菜,飯,同野飲，個湯唔錯既，應該無咩味精所以飲完唔會口渴，但係小菜真係好差，首先係甜酸魚好淋，應該炸左好耐，瑤柱翡翠苗仲失望😔，好鹹，翡翠苗如圖燶曬，好難食，唔會再光顧

今晚要見客人，揾間可以坐得耐少少的餐廳，於是揀左香港地，估唔到平日晚上都有不少人幫襯，不過在係門口攞票等左一分鐘就入得，其實裡面就唔滿座既，因為呢度確實有幾多位。拿拿聲趁個客未到先食野，選擇其實都相當多，小菜、碟頭飯、粉麵、扒餐，平價至中上價都有，任君選擇！我就揀左個「紫菜三寶米線」連熱奶茶($51)，晚餐黎講算抵！而且上菜速度都好快！魚湯淡淡地，感覺無味精，魚旦有3粒，好彈牙！魚腐兩舊唔會太淋，春卷一條同樣有咬口，紫菜有一堆，都OK，唔會似有時食到會噎親。不過米線偏碎，用spoon幫手好D。奶茶值得一讚，好滑溜！我有時飲完奶茶都會唔舒服，但今次無！呢間都係支持無飲管的店，讚！結果今晚我地坐到人地打佯，證明係一個可以慢慢坐的好地方！(相信只限平日)

「香港地」是美心集團旗下的茶餐廳食店, 打著茶餐廳旗號, 裝修方面並沒花太多心思, 花巧。 座位排得密密的, 觀感上總算簡潔。下午時段推出$50茶餐, 包括一份主餐 (迷你粉麵)、小食和飲品/甜品。我們點了兩份下午茶餐, 「乾炒牛河」和「福建炒飯」跟小食「咖喱魚蛋」和甜品「雜果啫喱」。 「乾炒牛河」牛肉不多, 上枱時牛片藏係河粉裏面, 初時以為是齋豉油皇炒河呢, 後來抄下抄下才找到細細片牛肉, 有三片左右。「福建炒飯」    福建炒飯就出奇的有驚喜, 端上來時香氣滿溢, 夠熱材料也多, 蝦粒是很大隻, 汁料味道很鮮味, 雖是迷你版下午茶餐, 份量並不少, 煮理亦不馬虎。「咖喱魚蛋」魚蛋肉質很爽, 咖喱味好香, 食第一二粒時不覺太辣, 食到最後一粒時感到好辣, 需要飲啖水來中和一下, 係個人不太食得辣。「雜果啫喱」 今日是黑加侖味的啫喱, 大大杯, 好有童年回憶呢。以$50三個course的下午茶餐, 份量又夠多, 算是幾抵食呢!     是次總消費 HK$100    人均消費 HK$50

又到一年一度嘅農曆新年，各大餐廳都會乘勢做多啲生意，美心香港地都唔例外，午餐都推出一個特別新年套餐，全部都係以8毫尾做價錢，貪好意頭掛新年餐牌貴左少少之餘，全部都要加一紅蔥頭醬油雞套餐（$58.8）套餐包括白飯，中湯，同埋柚子汁菜絲沙律🥗，都算幾豐富【中湯】中湯係南瓜湯，南瓜煮到幾溶，入口啖啖南瓜茸，清甜好味【沙律】柚子汁菜絲沙律，沙律菜爽脆，柚子汁酸甜醒胃【白飯】白飯煮到一粒粒，乾身有米香【醬油雞】唔知個菜本身係凍食抑或攤凍左，雞係凍嘅，但絕對唔影響個味道，竟然覺得凍雞係好食。雞嘅肉質嫩滑，配上紅蔥頭，香氣十足雖然新年加咗價，但食物質素，侍應服務，都覺得食呢餐係滿足同開心嘅

今日見到香港地唔忙，累累地唔使等位，就入去找位坐一下先。 入到去餐廳發覺同外面望完全不同，裏面十分殘舊，坐位附近擺放很多雜物。 不過見到有套餐，有小食丶飯丶飲品或甜品，以下午茶價錢唔算平。 既然美心集團，食物應該有保障。 魚蛋也彈牙幾好，不過汁表層浮了一大層辣油，魚蛋外層只有辣油味沾不到醬汁。 糯米飯份量適中，更放了蛋絲及花生，不過口感就麻麻地，糯米飯外層糊口中間硬。 同是美心集團出品，但裝修同食物也相差好遠。

雖然係美食沙漠，不過有唔少餐廳進駐，晚市間間餐廳都排哂長龍。尼間餐廳環境大，坐位多。上菜速度快。叫左菠蘿咕嚕魚塊($72)，京都肉排($72)。小菜跟白飯及例湯，或者熱飲。魚塊份量多，有7至8塊，大小亦適中。甜酸味道非常突出，不過味道可以淡番少少，醬汁唔駛太多。配菜菠蘿，三色椒，洋蔥多，所以材料非常豐富，抵食小菜。京都肉排味道甜甜地，豬排有6至7件，大大件，肉質唔韌。加埋洋蔥一齊炒香。不過，同樣醬汁可以唔駛太多。整體，小菜大份抵食，而且有套餐，多10幾蚊，見到其他人食，套餐份量都幾多。

時間轉眼就過，是時候接囡囡放學了。見到她甜美的笑容，整個人都快要溶化。可能上興趣班前的早點份量太少，未說夠兩句就嚷著要吃東西。為了坐得舒服一點，就選了這間商場內的茶餐廳。時間尚早，還有早餐可點。下了單長通粉，德國腸，炒蛋，牛油脆豬跟即磨咖啡。食物三五分鐘左右就已經到整，很高效。通粉湯茄味很濃，牛肉碎太結實，太老，通粉夠熟亦彈牙。炒蛋香滑。德國腸結實爽口，內含些許清甜肉汁。牛油脆豬牛油豐富香口，豬包亦脆，符合預期。食完又趕着去公園了。