Video
Read full review
2024-09-16
695 views
餐廳好早已迫滿人，先點沙律同每人一份鵝肝多士為前菜，包保滿足！鯷魚寶石生菜沙律- 原條鯷魚沙律，鍾意佢獨有嘅鹹鮮味，配上醬汁，絕對係醒胃！鵝肝油香肝香十足，多士又香又脆，非常美味！配上甜酸青瓜柚子莎莎，帶出一陣清新酸甜味，平衡返鵝肝豐富嘅油分！慢煮加利西亞八爪魚腳，長長嘅觸鬚上枱夠晒吸引眼球，切開就知火候剛好，啖啖彈牙口感，鬚尾位置更覺香口，簡單配蛋黃醬都已經好好味！炭燒羊架伴甜椒蛋黃醬，三支羊架掛滿醬汁，羊羶味唔會過重，食到中間發現仲有軟綿綿，同醬汁混成一體嘅薯蓉。最後係令人印象深刻嘅紅絲絨西班牙油條～打開黑色圓球載有熱辣辣西班牙油條，另有 金色小Pan 盛載粉紅色士多啤梨朱古力醬，成個賣相色彩鮮明又有格調. 咁chill 當然要點返杯飲品的傾住飲，飲住傾，Dance Tonight同Pomelo Punch,有蔓越苺同柚子，唔同嘅酸甜味但同樣清新～～
鯷魚寶石生菜沙律- 原條鯷魚沙律，鍾意佢獨有嘅鹹鮮味，配上醬汁，絕對係醒胃！
鵝肝油香肝香十足，多士又香又脆，非常美味！配上甜酸青瓜柚子莎莎，帶出一陣清新酸甜味，平衡返鵝肝豐富嘅油分！
慢煮加利西亞八爪魚腳，長長嘅觸鬚上枱夠晒吸引眼球，切開就知火候剛好，啖啖彈牙口感，鬚尾位置更覺香口，簡單配蛋黃醬都已經好好味！
炭燒羊架伴甜椒蛋黃醬，三支羊架掛滿醬汁，羊羶味唔會過重，食到中間發現仲有軟綿綿，同醬汁混成一體嘅薯蓉。
最後係令人印象深刻嘅紅絲絨西班牙油條～打開黑色圓球載有熱辣辣西班牙油條，另有 金色小Pan 盛載粉紅色士多啤梨朱古力醬，成個賣相色彩鮮明又有格調.
咁chill 當然要點返杯飲品的傾住飲，飲住傾，Dance Tonight同Pomelo Punch,有蔓越苺同柚子，唔同嘅酸甜味但同樣清新～～
Post
