哈比斯燒肉串和咖哩 (鴻圖中心)

Open Now

Now Closed

隨着疫情再次爆發，六點之後又禁堂食，所以好多時候都唔知道夜晚應該食啲乜嘢好，今晚放工咁岩嚮觀塘嗰頭，醒起之前食過一間kebab幾好食，又可以帶翻屋企，都幾方便下，好啱疫情呢個時期去食。同上次都係一樣啦，成個細細地嘅food court最香嘅就係來自中東餐廳Kebab嘅獨特味道，咁都好多嘢揀啦，又有啲卷，又有飯，咁上次我食過夏威夷醬烤雞卷，覺得卷都好啱我口味，咁今次梗係試下唔同嘅口味，我就揀咗牛肉卷。跟住拎返屋企都應該過咗30分鐘左右其實有少少涼，咁我為咗品嚐佢最好食嘅狀態，我就整返熱少少食，果然效果真係一流，拎出嚟嘅時候熱氣騰騰，白色嘅醬汁幾乎係湧晒出嚟，見到都令人好有食慾。其實個卷入面就係牛肉同蔬菜嘅搭配，牛肉嘅份量勁多，每一舊大細都剛剛好，肉嫩得黎又有少少口感，食落去牛肉香味極濃。最咁牛肉當然未係最好食，再加埋好有奶香味嘅奶酪醬，食起身超級香口，亦都非常代表到中東風味，超級好食，好快比我清曬成個卷。呢個Kebab真係食親都有驚喜，大件兼夾抵，疫情封晚市堂食之後又多一個選擇喇！