華嫂冰室 (蝦尾新村)

Open Now

Now Closed

今日帶埋狗狗出街想搵一間可以帶狗隻入去食嘅餐廳，由於住喺附近，所以我哋就選擇去華嫂。仲有今日係閑日，相信會容易等位，我哋知道星期六日華嫂呢度一定係排晒隊。果然，我哋到咗之後，等咗一兩張枱就有位。我哋嗌咗個鹹牛肉豬仔包，外脆內軟，啲蛋炒得好鬆軟仲有蛋汁，好食！兩碗湯麵都係皮蛋芫荽嘅，個湯底好鮮甜，芫荽又夠多，份量非常之大！原來食到最尾係食唔晒，因為佢好足料皮蛋有三大件，食唔晒！整體係好食嘅，不過如果天氣太熱坐室外有啲滴汗啦！