嘉樂冰廳 (U PLACE) (Closed)

自從土瓜灣多左好多新樓之後就多左好多有特色既cafe, 當中最估唔到既一定係呢間嘉樂冰廳 , 出面仲有動物親善area, 做到好 old school feel, 不過可惜星期日黎坐唔到果個位影相, 唯有下次再全果度打卡星期日2:00都幾多人, 岩岩等左一陣先有位下午茶原來要2:30先開始, 不過因為太肚餓所以等唔切啦!同老公叫左好幾款野食常餐既沙爹牛肉意粉, 炒蛋牛油多士 $52炒蛋幾滑而且份量幾多都係正常野, 比較公仔麵我地更中意食意粉, 沙爹牛肉個味都唔錯~脆爆華田西多士 $39個抵食套餐售罄, 所以單點左呢個想食既西多士賣相都幾吸引, 西多士外脆而且滿滿練奶, 加埋華田碎碎甜度剛好紅豆涼粉冰 $25中意佢呢度既紅豆冰唔會好甜, 再加埋涼粉仲可以再中和一下, 極力推介因為冇食到正餐, 所以叫多左個脆脆魚柳包 $36條脆魚柳長到呢~~~ 仲要新鮮熱辣辣炸起, 魚柳唔會炸到好乾仲有幾中意佢地用呢款白包, 口感軟熟但同時又帶少少口感, 唔錯唔錯!比較正餐同小食個人中意西多士同脆脆魚柳包呢啲野食多D, 下次可以等到下午茶時間再黎食, 會抵食好多