麻辣風雲 (京都廣場) (Closed)

友人介紹呢間麻辣風雲，一聽覺得幾得意，所以就打算試下🤩。叫左薑煸牛肉因為見人哋嗰碟幾靚所以就試下。賣相幾吸引，配菜紅紅綠綠咁樣，牛肉都好大舊，成碟都好滿。每舊食落都唔鞋，非常入味，加埋芝麻更有層次。😌酸菜魚基本上係招牌菜，所以就試下呢個o唔ok。同樣賣相唔錯喎好豐富。酸辣嘅味道相當配合，微辣之中有點酸嘅清新，魚肉鮮嫩。😌甜品試下黑糖脆炸糍粑＄58。呢款比較特別，未食過。外脆內軟又唔太甜。脆係外面炸得脆，軟就係糯米嘅軟。😌洛神花茶＄48。好清新嘅花香，酸酸地可解膩，不俗之飲品。😌總括嚟講想食辣嘢，又想有啲特色，可以試下呢間。