Video
Read full review
2015-01-27
461 views
魚佬話呢間鴨店新開，去到根本唔似食中式菜，反而似食西餐飲紅酒嘅地方（廚房上全部展示紅酒）門口有店員介紹，話係食fusion填鴨！雖然價錢貴，又無套餐，我們都想試下！當時場內只有我哋一枱客！感覺好冷清（已經係午餐時間，心唸會唔會中伏）裝修好新潮，樓底夠高，感覺好開揚，而且陽光由門口照入來，好悠閒嘅感覺！不過呢間餐廳比人感覺，主題唔突出，招牌又只有英文，又無餐牌放門口！好多人望望下都唔知食乜！一定唔會唸食中國填鴨！枱面餐具有特色，應該係訂做，有個鴨字在碟上！店員介紹飲八寶茶，覺得幾特別！就來一客！八寶茶：用個黑色金屬壺上！店員打開茶壺蓋介紹入面嘅材料，有紅棗、冰糖、雪耳、蓮子等等，所以會甜甜地，飲落清潤，欣賞店員會留意住隨時加水（用個大黃銅色熱水壺）！冬天飲剛好！藜麥萵荀茶樹菇沙律：其實未食過藜麥，萵荀爽脆，茶樹菇爽口，配埋三色椒，但無乜調味，如果要食出真味的確成功，因為藜麥有𡁻口，味道帶微甘幾特別！如果蔬菜多啲比較好！沾少少藜麥可以增加口感，但無其他調味平衡！藜麥又多，剩底晒好浪費，淨食又好似𡁻泥沙咁！北京填鴨香芒米紙卷：好像越南米紙卷，一碟三件，濃味鴨肉配芒果青瓜，芒果香甜，青瓜清新爽
魚佬話呢間鴨店新開，去到根本唔似食中式菜，反而似食西餐飲紅酒嘅地方（廚房上全部展示紅酒）
門口有店員介紹，話係食fusion填鴨！雖然價錢貴，又無套餐，我們都想試下！當時場內只有我哋一枱客！感覺好冷清（已經係午餐時間，心唸會唔會中伏）裝修好新潮，樓底夠高，感覺好開揚，而且陽光由門口照入來，好悠閒嘅感覺！
不過呢間餐廳比人感覺，主題唔突出，招牌又只有英文，又無餐牌放門口！好多人望望下都唔知食乜！一定唔會唸食中國填鴨！
枱面餐具有特色，應該係訂做，有個鴨字在碟上！店員介紹飲八寶茶，覺得幾特別！就來一客！
八寶茶：用個黑色金屬壺上！店員打開茶壺蓋介紹入面嘅材料，有紅棗、冰糖、雪耳、蓮子等等，所以會甜甜地，飲落清潤，欣賞店員會留意住隨時加水（用個大黃銅色熱水壺）！冬天飲剛好！
藜麥萵荀茶樹菇沙律：其實未食過藜麥，萵荀爽脆，茶樹菇爽口，配埋三色椒，但無乜調味，如果要食出真味的確成功，因為藜麥有𡁻口，味道帶微甘幾特別！如果蔬菜多啲比較好！沾少少藜麥可以增加口感，但無其他調味平衡！藜麥又多，剩底晒好浪費，淨食又好似𡁻泥沙咁！
北京填鴨香芒米紙卷：好像越南米紙卷，一碟三件，濃味鴨肉配芒果青瓜，芒果香甜，青瓜清新爽脆，面頭有塊九層塔葉，點埋酸酸醋汁！更加開胃！
鹽酥鴨：用鐵板淺盤上，一枝枝樹直，賣相好靚，食落外脆內軟，平時鴨肉容易嚡，呢個好嫩滑，外皮椒鹽好香口惹味，脆皮好香口，肥髀刨到乾乾淨淨！八寶鴨卷配白飯：呢個係店員介紹嘅主菜，以鴨髀肉拆骨包住八寶料，分開三份，我食尾端，食落鴨肉比較柴皮，中間八寶碎唔太多！切得太碎！分唔開八寶味，都係汁料嘅味道！汁料香濃但唔多，都唔夠撈一碗飯！，仲要加錢配碗白飯！白飯係珍珠米，但比較硬，唔多襯個汁，如果絲苗米會好啲！
陳皮焦糖燉蛋：店員推介，比想像中大盤！初上時個盤好熱，焦糖即燒，中間燉蛋嫩滑，唔會過甜，陳皮絲好甘香，帶出燉蛋香甜！好味！食物好味但較貴，兩大一小午餐要6百幾蚊！只係5樣食物！只叫了個茶，都無叫酒類！一啲都唔相宜！週末都可能仲有遊客，我唸佢要閒日都要攪下套餐先得！
店員好勤快兼親切，有服務但唔壓迫，上菜收碟都有禮！
食物有心有特色，服務殷勤，裝修亮麗，仲有free wi-fi!但呢個位其實無景觀（唔似美利樓）有幾多客會過來赤柱食一餐貴價特色鴨？廁所要出去廣場嘅廁所！落雨會淋到雨！門口有戶外位，但比客人食煙（提供煙灰缸）但啲煙會飄入店內，我就唔食煙，所以唔鍾意！如果只做遊客，好擔心佢捱到幾耐！
Post
