羅麥記 (Closed)

今日放假就同左閨蜜出黎聚會順便食完去行街, 因為想搵個地方傾下計, 見到唔算太多人而且裝潢好有特色就入左去試一試。見到餐牌, 真心覺得價錢偏貴, 但本住試下可能有驚喜既心態去試下:焗豬扒飯份量都算可以, 豬扒焗完之後都KEEP到有肉汁, 蕃茄汁同芝士, 再加埋炒飯都幾夾, 但蕃茄汁有啲偏酸, 炒飯有點乾。但整體黎講, 其實水準比某某連鎖店黎講遜色左啲。蝦多士不得不讚件件份量都幾大, 而且佢唔似出面係用方包去做, 而係用長法包去釀蝦膠, 食落去比平常既更有質感, 加埋沙律醬味道更加豐富。但可惜咬落法包有小小油, 但整體黎講, 頗有特色而且味道不錯, 食落有口感彈牙。