佳記甜品

Open Now

Now Closed

前幾日同左男朋友去元朗睇舞台劇，去左佳記甜品到食嘢，見到涼粉同西米露都想試，所以就兩樣都叫晒，再加多一個馳名的蒜香雞翼尖，因為有甜食，所以唔駛驚辣。我地叫左個雜果西米露，西米露入面有西瓜、芒果、火龍果等時令水果，好適合夏天食用，而且佳記的呢碗西米露都幾大碗，其實真係夠晒兩個人食，同埋啲生果配合埋椰汁西米露，真係好好味，啖啖西米加生果，真係好正。而涼粉佢會分開上花奶，可以跟返自己喜好而加花奶，因為始終每個人鍾意花奶的程度都有所不同，而且有啲人鍾意超多花奶，佢呢樣嘢就可以滿足到了，而且佢的涼粉好特別，涼粉入面會加上冰粒仔，可增加口感，變成好似刨冰咁。而蒜香雞翼尖，係店內招牌菜，好多人都叫，蒜蓉味重，係不是太多麻油香，雖然有辣椒，但不算太辣，不吃辣的朋友(我)可接受到。始終有時食得太多台式或西式甜品，都會想食返下啲傳統中式糖水。