美國餐廳 (Closed)

約左同事係第一城食飯順便睇bb👶，同事推介左間食西餐嘅，話之前試過幾好，咁一於再試下。😆坐底冇耐就決定嗌個西冷扒餐🥩同事想食生蠔所以嗌多半打生蠔。🦪生蠔ok新鮮，入口海水味唔算特別重但係口感順滑😉，而且算大隻，最令人驚喜係佢吱檸檬有個夾吱🤩，唔使整到成手都係，幾貼心。🤗麵包有兩隻款，質感都算軟不過冇咩味道。主菜有少少令人失望😔，纽西蘭西冷肉質普通又冇咩肉汁，配套嘅意粉都比較乾😟，食落去不過不失，最搞笑係同事嗌薯菜竟然唔係配薯條，係真係俾一粒薯仔佢🤣🤣好少見另外有同事嗌白汁魚扒，味道都算ok。 總括而言，生蠔可以一試，不過扒就普通，可以選擇其他比較好。🤪 T-able指數：2.5/5