Video
Read full review
2021-04-30
18 views
疫情開始好轉 ，咁就行下TST，咁就同朋友一齊搵嘢食，想搵下啲嘢點心食，咁就見到有呢一間中國廚房， 咁平時喺街都好少食點心，咁我哋就揀咗呢間，入到去其實內裏寬敞，衛生都幾好，因為其實格與枱之間都隔得幾開下同幾多消毒用品，可以保障返大家嘅健康。咁我叫左以下:鮑魚燒賣: 係即叫即蒸、熱度十足，啲蝦非常新鮮，同埋都幾大粒。 而且粒鮑魚都幾大粒幾彈牙。黑松露鮮蝦餃 : 呢個蝦餃我覺得細細粒， 可以一嚿擺落個口度食， 但係佢個蝦就幾新鮮同爽口的。蝦餃皮唔算太厚， 就係因為佢個皮薄所以都幾易穿，但係黑松露D味都幾出。 但係佢個蝦餃就比較乾身少少，而我就比較鍾意食濕潤少少。魚翅灌湯餃: 哩嗰灌湯餃我覺得唔錯，因為入面都幾多料呀，同埋食到有魚翅，當然啦 我就唔知啲翅真定假， 但係個味道都唔錯，而且個湯都幾清，加埋醋嚟食其實整體嚟講都唔差。黑松露山珍腐皮卷: 呢一個腐皮卷，我就最鍾意因為裏面嘅腐皮有鮮竹味， 最令我驚喜就係佢呢個腐皮唔算厚，而且皮薄薄地 仲有就係佢唔係炸到都幾脆卜卜， 再加上又有我最鍾意食嘅黑松露味，所以我比較鍾意呢一間酒樓嘅腐皮卷。經典糯米雞： 呢個糯米雞最大特色就係都幾大舊，所以如果
鮑魚燒賣: 係即叫即蒸、熱度十足，啲蝦非常新鮮，同埋都幾大粒。 而且粒鮑魚都幾大粒幾彈牙。
黑松露鮮蝦餃 : 呢個蝦餃我覺得細細粒， 可以一嚿擺落個口度食， 但係佢個蝦就幾新鮮同爽口的。蝦餃皮唔算太厚， 就係因為佢個皮薄所以都幾易穿，但係黑松露D味都幾出。 但係佢個蝦餃就比較乾身少少，而我就比較鍾意食濕潤少少。
魚翅灌湯餃: 哩嗰灌湯餃我覺得唔錯，因為入面都幾多料呀，同埋食到有魚翅，當然啦 我就唔知啲翅真定假， 但係個味道都唔錯，而且個湯都幾清，加埋醋嚟食其實整體嚟講都唔差。
黑松露山珍腐皮卷: 呢一個腐皮卷，我就最鍾意因為裏面嘅腐皮有鮮竹味， 最令我驚喜就係佢呢個腐皮唔算厚，而且皮薄薄地 仲有就係佢唔係炸到都幾脆卜卜， 再加上又有我最鍾意食嘅黑松露味，所以我比較鍾意呢一間酒樓嘅腐皮卷。
經典糯米雞： 呢個糯米雞最大特色就係都幾大舊，所以如果我同朋友食，我覺得都夠不過，佢唯一要進步地方就係我覺得個飯嘅比例上會比較多少少，因為我鍾意食嘅糯米雞會比較prefer多少少料，不過整體嚟講味道都可以。
蒜蓉鮮蝦春卷： 其實呢個鮮蝦春卷同腐皮卷都差唔多，佢哋都炸得幾脆，而且呢個春捲我覺得最大特色就係唔算落咗太多油去炸，所以你咬落佢個脆皮，唔會食到成口油，所以我覺得佢啲春捲都ok， 幾啱我口味，因為唔算太多油。
最後如果大家鍾意食點心大家可以試下呢一間中國廚房， 因為我覺得某啲點心佢都唔錯， 而我自己就比較鍾意個灌湯餃， 大家可以試下。
Post
