好媽媽台灣館 (Closed)

雖然啱啱去完台灣，但都無阻我對台灣食物嘅熱愛！見門口痴咗金鋼同小儀嘅相，睇嚟之前電視都報到過應該唔錯掛！所以就膽粗粗咁入去試吓啦！入到去，發覺成間餐廳設計好可愛好有Cooking Ma Ma 嘅感覺！雖然鋪頭唔算好大，但乾淨企理，感覺幾舒服。男朋友入到嚟就話要雞排同滷肉飯，見呢個餐咁啱兩樣都有，無理由唔叫嘅！哈哈木耳拍青瓜都幾爽口，食落感覺清新！食完前菜，就到其中一個招牌好媽媽滷肉飯啦！一半肥肉一半瘦肉，食落充滿油香，配埋隻溏心蛋，真係無得輸！呢個香酥大雞排炸粉唔算厚，薄薄一層，入口酥脆！雞肉食落都幾滑身，唔鞋口，配埋啱啱個滷肉飯一齊食，真係有少少番咗台灣嘅感覺對於菜脯蛋，我只係記得阿媽細個會整嚟比我帶飯！不過阿媽整嘅菜脯蛋，係用平底鍋，薄薄地咁煎，食落比較香口脆身！同呢到嘅整法唔同！呢到嘅菜脯蛋非常厚身，切開之後，會見到入面滿滿嘅菜脯，好足料！食落外層酥香，入面濕潤軟嫩，菜脯微微帶有鹹香味，唔錯台灣腸同香港嘅腸仔好唔同，食落有啲似蠟腸，但口感更豐富！每次去台灣都係必食的？識食嘅，當然要夾埋蒜頭一層食，味道異常夾！（都係台灣人教我，我先知原來腸仔同生蒜頭係咁夾！！）而且因為蒜頭內含有豐