新香園

Open Now

Now Closed

汝州街近北河街一段由過去幾年開始越來越多食肆進註，而這間老字號就係最近一、兩年係此處開設第二間分店，今日路經見舖內不算太多人，便入內避下暑兼醫下五藏廟。煎猪扒一丁 ( $37)原本想叫豬手麵，但天氣實在太熱，唔多想食熱湯食物，便叫了香煎猪扒一丁，睇到里度你可能會奇怪可解我又會叫一丁麵呢，都係湯麵喎…? 原因係我睇餐牌上面張相，完全冇為意原來圖片內係有少少湯嘅，我便一心以為係撈麵，所以結果我都係食左一碗我唔係太想食嘅湯麵，不過咁，湯麵上塊豬扒食落又幾煙韌，如果可以切多幾刀切細塊 d 咁就仲方便入口，唔使成大塊夾起來咬，用筷子處理真係有點難度。紅豆冰 ( $20)奶同紅豆比例為七三比，不太甜，紅豆粒煲到軟諗有少少起沙，有得飲又有得食，好味其實我都知入得來係應該叫佢地嘅招牌食品 ，惟有留待下一次吧。