潮式腸粉家菜館 (Closed)

呢間鋪頭，之前係葵芳同元朗，依家搬左出太子。老闆係潮洲人，有好多醬料同食材都係潮洲拎落黎既！家庭式小店，但好勁，可以做到米芝蓮既推介。入到鋪頭就見到成牆都係米芝蓮推介既新聞。呢間鋪主打都係腸粉同粿條咁，都有做小菜打冷，價錢就正常，中規中舉咁。小食就覺得價錢太進取，因為D食材真係唔係D咩貴食材，反而知道係有手工錢同燈油火蠟錢。招牌鮮蠔腸粉$58，鎮店之寶。其實係潮洲都好出名，好地道好平民既小食。潮式腸粉同香港廣東腸粉唔同既，唔係一條條，而係成底一份既。常見都係冬菇、蝦米、魷魚、生菜、芽菜等等，另外可以加D蠔仔、豬肉或者牛肉。廣東腸粉落豉油、潮式既就落茨汁豬骨湯+ 五香粉。我從來未食過潮式腸粉，所以唔知正唔正宗。腸粉皮非常厚，而且唔滑，蝦米同魷魚超腥，蠔仔就一般啦！D生菜、芽菜出水，所以個湯好稀。招牌炒粿汁$78，無鑊氣、芽菜韭菜好似用黎伴碟咁，少到呢。扎肉無味，甜鼓油就成為重要角色。可能本身潮洲野係咁，所以我唔作太多評論，可能係唔岩我口味姐。