彌敦粥麵家 (Closed)

今日去咗佐敦食粥，上網睇過話呢一間啲粥品唔錯就入左去試下。入到去見到牆上有個大餐牌，係一個有泰文翻譯的餐牌，可能佐敦附近都有啲泰國人居住啦!環境比較舊式，一入去就有啲焗的味道，坐耐左就冇左浸味，仲覺得都幾涼快。粥品我揀左及第粥，粥入面有豬腰、豬潤、肉丸，除咗肉丸有啲調味料醃過之外，其他的味道都比較淡。食粥要配油炸鬼，油炸鬼唔係好脆又唔係過左氣，屬中間口感。食完粥已經有啲口渴。店入面的夥記雖上左年紀，但都幾有禮貌。