Mr. Steak Buffet à la minute (Moved) New Location

屋企對孖仔生日， 於是揀咗嚟呢度食Buffet，因為淨係佢地先有自訂love message 嘅心太軟。 個心太軟是跟時間表出， 唔係想食就即刻有得食。 出心太軟張枱有紙有筆比你寫love message ， 到差不多出心太軟之前廚師會用朱古力寫你想寫的在碟上面， 另加一D簡單嘅公仔， 等廚師放埋件心太軟在碟上就可以拎走去影相。 間餐廳醒呀！D人為咗件心太軟起碼食少咗半個鐘！ 個心太軟一切開， D朱古力湧出來 ，令人好開心！ 味道已經不是最重要。有乜食都唔特別講, 都係個D嘢！ 不過特別講一講好多人關心嘅生蠔： 要排隊攞， 每人四隻， 蠔鮮甜屬小型， 我都食咗1打， 其實可以再食但係我見到開蠔嗰師傅開得好辛苦， 所以都唔忍心再去攞😬😬😬 呢個buffet 有兩段時間 ，我是食5pm －7pm， 加埋一～$420 ， 我覺得幾抵食。 但如果食同様嘅嘢要俾多百幾蚊食7:30pm 個輪， 仲要同好多人一齊爭食 ， 我就唔會去了。我個段時間每次排隊攞蠔只有4丶五個人。