喵盒子 (Closed)

難得今日放假，決定周圍走，諗住搵間好坐啲嘅咖啡店，計劃下我嘅旅行同埋順便買機票行行吓行到嚟呢度，其實呢個位有啲格攝既，唔知係近牛頭角定近觀塘，因為佢係喺工廠大廈附近嘅。。。原本我係俾地下嗰間咖啡店吸引左，所以停低望下，不過見食物種類好似唔係好多咁，剩係得蛋餅🥞所以決定再搵下食咩嘅時候，比我見到呢間咖啡店嘅”二拉架”話明今日要去放空，所以就撘lift去睇下究竟係咩黎既😍😍😍😍結果係有驚喜喎入到去比啲貓貓嘅裝飾吸引住，係簡約嘅裝修，好舒服既木系🤩🤩🤩🤩再望埋Menu都好多食物選擇，一於就呢度啦，重點係過咗食晏時間，已經無人，我可以包場靜靜地😍😍😍😍雖然已經到咗下午茶時間，不過我依然都係嗌左午餐嘅Menu，因為我俾嗰香菇玉子豆腐椰菜花丼吸引左，原來啲椰菜花眼碎咗代替左飯，感覺好似好輕盈好健康同埋嗌左杯Flat white☕️☕️☕️☕️☕️椰菜花飯好快就已經黎到，店員仲好有誠意咁遞上杯咖啡，仲介紹埋係用咩品種嘅咖啡豆，真係好有誠意呀原來啲豆腐係百頁豆腐嚟嘅，可惜我唔鍾意食百頁，但整體係好食嘅至於杯咖啡係屬於比較甜嘅一種，但係係唔需要加糖既，因為啲咖啡豆屬於偏甜嘅一種，整體好香濃順滑，讚！