跑緣 (Moved) New Location

今日從旺角行到太子，6點幾又未肚餓，本來打算行去黃竹街飲杯咖啡再買野食。行過雷生春堂附近見到呢間“跑緣”，有個跑手logo幾得意，落地玻璃門口又幾welcoming. 就入去打算叫杯咖啡打發時間。入到去原來店已經打烊，不過聽我想飲咖啡都照整。店主友善健談，第一次見面就覺得同佢傾計幾舒服。先講杯long black, 店主話係哥倫比亞washed, medium roasted. 飲落開頭微果酸，中尾段咖啡味都幾出。幾好。一間幾有趣既店，店主把他愛好 - 跑步為主題。店既後半部份又係另一風格。好chill。傾到一半廚房那邊話還可以做pasta, 那就黎一份辣腸意粉拎返屋企食。意粉煮得岩岩好Al dente, 味道都唔錯。