Video
Read full review
2017-01-30
1376 views
聽講，海南雞飯喺呢度嘅名菜，午巿開價 75 蚊再加一，係咪值回票價？見好多客都食緊雞飯，有雞胸雞翼版，隨後侍應姐姐送上嚟嘅，竟然係雞脾！雞件堆放成小山丘咁，量多，皮薄肉滑，部份雞件嘅皮層同白肉之間，夾住一層啫喱膠汁。呢層尊貴的膠汁，超耐冇見過，今日有緣遇上，回憶返晒嚟。老規矩先食飯。飯粒分明兼有嚼頭，充滿油香，越食越想食，好味過雞肉，只怪雞肉滑得嚟唔夠咸。淨食雞肉係淡口咗啲，但沾埋辣醬同薑蓉一齊食，即時回魂。初食個辣醬好似唔多辣，食吓食吓先見真章。另一午餐青咖喱雞揀咗跟白飯，椰汁味唔濃，少辣，吸收晒汁頭精華的茄子比雞肉更惹味，送飯一流。 午餐包一杯飲品（凍飲免加錢），凍檸茶有四塊厚切檸檬，聞到檸檬香；凍啡夠濃香，唔同茶記的單調味道。想轉飲拉茶，就要畀多 10 蚊。對比網友的舊相，而家午餐冇咗餐湯，甜品變為平價朱古力，好嚇人。如果一個人嚟，食海南雞飯係最抵。建議最好係避開繁忙時間嚟，呢度環境好逼，人聲嘈爆，尤其坐長枱開飯，好似返咗去學校飯堂咁。值得讚係店員勤快的服務。
見好多客都食緊雞飯，有雞胸雞翼版，隨後侍應姐姐送上嚟嘅，竟然係雞脾！雞件堆放成小山丘咁，量多，皮薄肉滑，部份雞件嘅皮層同白肉之間，夾住一層啫喱膠汁。呢層尊貴的膠汁，超耐冇見過，今日有緣遇上，回憶返晒嚟。老規矩先食飯。飯粒分明兼有嚼頭，充滿油香，越食越想食，好味過雞肉，只怪雞肉滑得嚟唔夠咸。淨食雞肉係淡口咗啲，但沾埋辣醬同薑蓉一齊食，即時回魂。初食個辣醬好似唔多辣，食吓食吓先見真章。另一午餐青咖喱雞揀咗跟白飯，椰汁味唔濃，少辣，吸收晒汁頭精華的茄子比雞肉更惹味，送飯一流。
午餐包一杯飲品（凍飲免加錢），凍檸茶有四塊厚切檸檬，聞到檸檬香；凍啡夠濃香，唔同茶記的單調味道。想轉飲拉茶，就要畀多 10 蚊。對比網友的舊相，而家午餐冇咗餐湯，甜品變為平價朱古力，好嚇人。如果一個人嚟，食海南雞飯係最抵。建議最好係避開繁忙時間嚟，呢度環境好逼，人聲嘈爆，尤其坐長枱開飯，好似返咗去學校飯堂咁。值得讚係店員勤快的服務。
Post
