WM Café & Bar (科學園) (Moved) New Location

白石角科學園是經常同老公踩單車必經的，這兒感覺遠離塵囂，又有食野，是談心好地方。今次去科學園有另一意義，因為是搬離大埔最後一次來（當然以後定必再來）。 藍天碧海，風和日麗，面向吐露港景色，所以在海傍坐坐，一邊欣賞風景，加上涼風輕吹，整個人好舒服。暢談時，望著藍天白雲可遠眺八仙嶺景色及慈山寺觀音像。完全忘懷於此。除了踩單車外，還打算找間餐廳食brunch, 每座大樓下都有小店或食店，今次揀左WM cafe。cafe有室內有室外，坐室外最好可以放單車；室內好舒適，又有大電視睇！食物方面，揀左煙三文魚薄餅， 餅分四件，每一口咬落先有濃濃芝士味，之後新鮮熱辣辣薄脆餅底，非常脆口！豪華全日早餐炒蛋配黑松露醬、煙三文魚（弄成玫瑰花，好靚靚，一共有成4大塊）、煙肉、豬肉腸、燒烤菇、茄汁焗豆、大大怎的牛角包～睇見都覺得吸引！雖然地方遠一點, 但可以欣賞環境外, 更可以食到有水準的美食，值得啊！