Video
Read full review
2024-03-01
200 views
當年超愛韓國綜藝 Running Man! 姜 Gary 年代簡直笑爆肚，記得有一集嚟咗香港拍攝，想話入去沙嗲王食飯拍攝，居然被拒，從此對沙嗲王無咩好感!有無攪錯! 一個咁好嘅免費廣告機會居然拒絕! 簡直O哂咀無嘢好講!如果唔係客人約我去沙嗲王，相信有排都唔會去幫襯.公道講，沙嗲王質素唔差，又夾自己口味，點咗濃蝦湯，牛沙嗲牛肩胛粉絲，石窩避風塘軟殼蟹，蒜香牛油雞翼，蒜香牛油烤餅，煙肉上湯娃娃菜，蟹粉豆腐鍋配薄餅，最後我點咗杯特濃朱古力沙冰.以為係龍蝦湯，再睇清楚先知係濃蝦湯，但味道好似龍蝦湯，味道濃郁，滿意.沙嗲牛肩胛粉絲，粉絲必然占滿沙嗲汁，擔心如果沙嗲汁味重，粉絲就會太濃，但哩碗沙嗲味道啱啱好，牛肩胛比較薄身，所以口感鮮嫩.石窩避風塘軟殼蟹外脆內軟，只係辣咗D，因為我唔食辣.蒜香牛油雞翼外層香脆雞翼肉嫩 Juicy 而且份量足，唔似D連鎖快餐店用D細細隻BB雞!蟹粉豆腐鍋配薄餅同樣出色，豆腐起滑，薄餅酥香.最欣賞係煙肉上湯娃娃菜，鮮甜之餘菜又煮得夠冧.特濃朱古力沙冰名副其實特濃又夠甜，無偷工減料.食完哩餐，開始對沙嗲王有翻DD好感，相反，每次見到 Running Man 賣廣告就唏
有無攪錯! 一個咁好嘅免費廣告機會居然拒絕! 簡直O哂咀無嘢好講!
如果唔係客人約我去沙嗲王，相信有排都唔會去幫襯.
公道講，沙嗲王質素唔差，又夾自己口味，點咗濃蝦湯，牛沙嗲牛肩胛粉絲，石窩避風塘軟殼蟹，蒜香牛油雞翼，蒜香牛油烤餅，煙肉上湯娃娃菜，蟹粉豆腐鍋配薄餅，最後我點咗杯特濃朱古力沙冰.
以為係龍蝦湯，再睇清楚先知係濃蝦湯，但味道好似龍蝦湯，味道濃郁，滿意.
沙嗲牛肩胛粉絲，粉絲必然占滿沙嗲汁，擔心如果沙嗲汁味重，粉絲就會太濃，但哩碗沙嗲味道啱啱好，牛肩胛比較薄身，所以口感鮮嫩.
石窩避風塘軟殼蟹外脆內軟，只係辣咗D，因為我唔食辣.
蒜香牛油雞翼外層香脆雞翼肉嫩 Juicy 而且份量足，唔似D連鎖快餐店用D細細隻BB雞!
蟹粉豆腐鍋配薄餅同樣出色，豆腐起滑，薄餅酥香.
最欣賞係煙肉上湯娃娃菜，鮮甜之餘菜又煮得夠冧.
特濃朱古力沙冰名副其實特濃又夠甜，無偷工減料.
食完哩餐，開始對沙嗲王有翻DD好感，相反，每次見到 Running Man 賣廣告就唏噓無限! 一套以前集集追，一集睇幾次笑幾次嘅節目，變成眼尾都唔望一下，見到全昭旻即熄機!
唉........
Post
