樂天經典 (奧海城二期)

Open Now

Now Closed

今日同老公黎食蟹餐，個餐包左前菜、蟹、熱炒、粉麵甜品、飲品；揀左蒜香紅海頭，有醋香蒜香，海蜇頭仲好爽脆，好開胃～蟹有幾款，招牌有星洲黑胡椒蟹，蟹味、少辣同黑胡椒，惹味加上食落有蟹鮮，好多肉而且好嫩。餐飲嘅檸檬薏米水去濕清熱又好飲，估唔到呢度食到好有鑊氣嘅薑蔥爆生魚片，魚片大塊夠鮮啖啖肉，加上超超超好味蝦味魚子蝦球炒飯，大大隻蝦，好多蟹子同好有蛋黃香嘅炒飯，呢餐飯好滿足～食飽食埋個甜品就更完美，招牌酸甘香茅凍又靚又清新，清心丸綠豆爽清甜滋潤。呢度d位又大又闊落，裝修都唔錯，而且就腳會成日幫襯。