早安越南 (Closed)

喺紅磡唔算好多越南野，行到去黃埔發現有間早安越南～平日唔算好多人排隊，所以決定入去用餐～扎肉手撕雞湯河— 湯底好清甜，唔係無味嗰種。如果覺得太清嘅話可以加啲辣椒，辣辣地好好食！雞絲好嫩，整碗麵嘅材料都好新鮮。特式咖哩牛腩飯— 有啲似港式咖哩，但味道較辣；而且比較濃稠，有少少重口味🤣🤣不過我就係鐘意佢咁惹味，用嚟撈飯一流！肉骨茶— 平時都好少見越南野有肉骨茶飲，所以決定嗌一碗。色澤好深，飲落有陣陣苦味，睇嚟材料方面都落得幾足！而且好香中藥味，飲完有種暖胃嘅感覺～蒜蓉炒貴妃苗— 對於任何蒜蓉炒嘅錯都抗拒唔到🤩好大碟，而且條條都夠嫩！唔係好油，食落都覺得健康啲🤪感覺今次呢間越南野係比較有新穎嘅感覺，平時喺其他越南餐廳都見唔到呢啲菜式。雖然如此，但係食物質素都做得幾好，價錢對比起黃埔其他餐廳都係差唔多～不錯啊！