Video
Read full review
2018-12-17
62 views
有雞又有魚！傳統英式炸魚薯條🍟烤雞🍗 【Fish & Chick】西環高街登陸‼️‼️其實佢有間分店係堅尼地城海邊嘅，吾知去過幾多次😛今次高街分店新開，幾吾得閒都要搵時間嚟，高質素而且價錢合理嘅餐廳吾易搵🤩明明知道炸魚薯條🍟係邪惡之選，但總係會有條癮想食😅然後同時又有條烤雞癮要止，唯有放任自己～😈淨係炸魚佢都有9款魚👍🏻吾同口感隨你選擇，當日店員都有比意見我哋🤩烤雞係必食，店門前仲有兩隻公雞裝飾好可愛😸選擇二人餐($298起)，一次過搞掂前菜、主菜同餐飲甜品！✌🏻頭盤：煙三文魚沙律🥗煙三文魚真係好香煙薰味，配蜜糖刁草汁後，帶少少酸，好開胃！沙律菜亦爽口新鮮～每塊煙三文魚都大大塊，一啲都吾姑寒😆餐湯🍲：粟米忌廉湯同出面有好大分別，你吾會覺得係開罐頭比你，真係足料！綿綿嘅口感我就好中意🙂主菜：傳統英式炸魚薯條🐟🍟揀咗紐西蘭藍鱈魚，口感幼嫩無雪味！炸魚食過好多，但炸得出色又吾溜嘅就係數埋手指😛首先個皮好脆，咬落又吾油，同塊魚柳夾住一齊食好好味，就算吾點醬都好正喇～仲有個薯條大大條，新鮮嘅薯仔味好濃厚😍雖然好邪惡，但係都會忍唔住口食好多🤣半隻烤雞配薯蓉🍗烤雞係必點呀👍🏻真係好惹味，啲皮又係脆爆，呈
其實佢有間分店係堅尼地城海邊嘅，吾知去過幾多次😛今次高街分店新開，幾吾得閒都要搵時間嚟，高質素而且價錢合理嘅餐廳吾易搵🤩
明明知道炸魚薯條🍟係邪惡之選，但總係會有條癮想食😅然後同時又有條烤雞癮要止，唯有放任自己～😈
淨係炸魚佢都有9款魚👍🏻吾同口感隨你選擇，當日店員都有比意見我哋🤩烤雞係必食，店門前仲有兩隻公雞裝飾好可愛😸
選擇二人餐($298起)，一次過搞掂前菜、主菜同餐飲甜品！✌🏻
頭盤：煙三文魚沙律🥗
煙三文魚真係好香煙薰味，配蜜糖刁草汁後，帶少少酸，好開胃！沙律菜亦爽口新鮮～每塊煙三文魚都大大塊，一啲都吾姑寒😆
餐湯🍲：粟米忌廉湯
同出面有好大分別，你吾會覺得係開罐頭比你，真係足料！綿綿嘅口感我就好中意🙂
主菜：
傳統英式炸魚薯條🐟🍟
揀咗紐西蘭藍鱈魚，口感幼嫩無雪味！炸魚食過好多，但炸得出色又吾溜嘅就係數埋手指😛首先個皮好脆，咬落又吾油，同塊魚柳夾住一齊食好好味，就算吾點醬都好正喇～仲有個薯條大大條，新鮮嘅薯仔味好濃厚😍雖然好邪惡，但係都會忍唔住口食好多🤣
半隻烤雞配薯蓉🍗
烤雞係必點呀👍🏻真係好惹味，啲皮又係脆爆，呈現金黃色，肉好嫩滑，就算係雞胸都唔覺得好鞋，半隻吾多，兩個人都會爭食🤩配埋熱辣辣嘅薯蓉就夠晒滿足～
橄欖油炒香蒜片辣椒意粉🍝
食埋意粉就好完美，意粉有少少辣去刺激味覺，蒜香味好出，炒意粉比較乾身，所以唔會好多汁，偏向爽口！
仲有士多啤梨檸檬特飲同檸檬梳打🍹🍹
嘢飲一樣好正😖兩杯都有檸檬嘅成份，但係士多啤梨果杯真係不得了！士多啤梨味唔會好假，配埋梳打一齊飲，仲有少少薄荷葉喺上邊，涼涼地喉，兩杯都酸酸甜甜，醒神呀！
本來都唔諗住食甜品但係一場嚟到，又好似爭緊啲🤔都係叫埋！檸檬罌粟籽蛋糕🍰焗得好開，入口即溶，檸檬皮加咗係蜜糖入面整成醬，再淋上蛋糕，夠有心思👍🏻份量唔會好大，啱晒食完所有野之後再食👻
經過西環高街吾好錯過喇～
Post
