Video
Read full review
2020-11-22
975 views
隱藏係瀝源公屋村的一個地下熟食檔，地點可能比較難搵，不過問吓人好容易就會搵到。入到去好似去咗另一個世界咁，店內充滿住不同風格的自創藝術品，仲有大量嘅書放係店內，歡迎食客欣賞。座位分隔非常闊落，檯與檯中間有屏風隔開。午餐逢星期一至六都有供應，麵類$30-42有交易，飯類仲抵，$43有即蒸原條魚，或者各式肉餅，配埋一碗白飯同埋油菜，超值！今次我點咗鹹蛋肉餅飯，加$7配凍檸茶少甜少冰。上菜速度好快，前後唔洗5分鐘，啱晒係附近趕住開工嘅人。肉餅份量好多，再加埋碗滿滿白飯，女仔應該食唔晒。肉餅偏肥，豬油香味十足，口感軟滑，肉同水份的比例剛剛好，軟身得嚟唔會太稀。鹹蛋比較淡味，淡淡的鹹蛋香配上肉餅撈飯一流！凍檸茶做得好，足料茶味，甜度適中，檸檬亦新鮮清香。一個人食個餐，$50真係抵到爛！值得支持！
隱藏係瀝源公屋村的一個地下熟食檔，地點可能比較難搵，不過問吓人好容易就會搵到。
入到去好似去咗另一個世界咁，店內充滿住不同風格的自創藝術品，仲有大量嘅書放係店內，歡迎食客欣賞。座位分隔非常闊落，檯與檯中間有屏風隔開。
午餐逢星期一至六都有供應，麵類$30-42有交易，飯類仲抵，$43有即蒸原條魚，或者各式肉餅，配埋一碗白飯同埋油菜，超值！今次我點咗鹹蛋肉餅飯，加$7配凍檸茶少甜少冰。上菜速度好快，前後唔洗5分鐘，啱晒係附近趕住開工嘅人。
肉餅份量好多，再加埋碗滿滿白飯，女仔應該食唔晒。肉餅偏肥，豬油香味十足，口感軟滑，肉同水份的比例剛剛好，軟身得嚟唔會太稀。鹹蛋比較淡味，淡淡的鹹蛋香配上肉餅撈飯一流！
凍檸茶做得好，足料茶味，甜度適中，檸檬亦新鮮清香。
一個人食個餐，$50真係抵到爛！值得支持！
Post
