Video
Read full review
2021-08-21
590 views
作為將軍澳嘅街坊當然會鍾意喺社區入邊捐窿捐罅尋找美食呢日想食得清啲所以就去左一間越南餐廳食粉🍜.🌟春嬌火車頭金邊粉 ($68)平時為食嘅我樣樣餸都想食 所以就點左最多餸嘅火車頭😋令我地最震撼嘅係有一片好大嘅花膠😳花膠腍得黎又彈牙 食完都覺得養顏而且呢度嘅牛丸味道同平時食開嘅唔同我覺得味道比較新鮮唔少得就係仲有大大片薄切生牛肉 真係好豐富 🤪.🌟生熟牛肉湯檬 ($57)生熟牛肉粉係另一個出名嘅越南菜式熟牛肉黎講覺得有少少韌 但係好有牛腩味而生牛肉亦都係同火車頭一樣 而且亦都唔算好生湯底好清甜 有需要仲可以加入枱面調味架嘅辣椒醬或者魚露餐廳仲特登配埋青檸等客人按自己喜好加入 真係好有心思🤓.🌟生菜包配香烤牛肉 ($58)呢個生菜包真係好出色 令人食唔停👍🏻牛肉落咗好多香料去煮非常惹味 之後再用生菜包住食感覺得好清新 完全唔油膩而且份量都幾多 係抵食之選.🌟越南脆炸蝦餅 ($46)蝦餅好有鮮味🍤 而且外型都同我想像中唔同原來係一大塊蝦餅切成一片片 蝦餅加埋甜酸醬味道更好.餐廳好闊落 而且座位都算幾多亦都用上好有越南特色嘅三角形帽做裝飾而且落單係用QR code 非常衛生同方便📱食粉通常會有
呢日想食得清啲所以就去左一間越南餐廳食粉🍜
.
🌟春嬌火車頭金邊粉 ($68)
平時為食嘅我樣樣餸都想食 所以就點左最多餸嘅火車頭😋
令我地最震撼嘅係有一片好大嘅花膠😳
花膠腍得黎又彈牙 食完都覺得養顏
而且呢度嘅牛丸味道同平時食開嘅唔同
我覺得味道比較新鮮
唔少得就係仲有大大片薄切生牛肉 真係好豐富 🤪
.
🌟生熟牛肉湯檬 ($57)
生熟牛肉粉係另一個出名嘅越南菜式
熟牛肉黎講覺得有少少韌 但係好有牛腩味
而生牛肉亦都係同火車頭一樣 而且亦都唔算好生
湯底好清甜 有需要仲可以加入枱面調味架嘅辣椒醬或者魚露
餐廳仲特登配埋青檸等客人按自己喜好加入 真係好有心思🤓
.
🌟生菜包配香烤牛肉 ($58)
呢個生菜包真係好出色 令人食唔停👍🏻
牛肉落咗好多香料去煮非常惹味
之後再用生菜包住食感覺得好清新 完全唔油膩
而且份量都幾多 係抵食之選
.
🌟越南脆炸蝦餅 ($46)
蝦餅好有鮮味🍤 而且外型都同我想像中唔同
原來係一大塊蝦餅切成一片片
蝦餅加埋甜酸醬味道更好
.
餐廳好闊落 而且座位都算幾多
亦都用上好有越南特色嘅三角形帽做裝飾
而且落單係用QR code 非常衛生同方便📱
食粉通常會有好多配料 例如蔥、洋蔥、炸蒜等等
用手機落單就可以自己選擇需唔需要走配料
Post
