茶米 (太古廣場) (Closed)

香港林林總總又多間嘅台式飲品店，但係有茶包喺入邊我都係第一次見，位於金鐘太古廣場茶米入邊嘅一間Kiki茶，唔係好起眼，唔係同事介紹都唔知有呢間舖。同事介紹我飲白桃烏龍茶，見到入邊有個大大個茶包，揀咗少甜，但係加水再沖幾次飲都仲有味道，一杯台式飲品30幾蚊竟然有個茶包，性價比非常高，佢啲芋圓除咗有咬口，都有陣芋頭嘅味道，唔鍾意食珍珠嘅朋友可以選擇芋圓，同埋唔鍾意太甜嘅朋友都可以選擇任你間不過要叫少甜。