CHIC Italian Cuisine and Oyster Bar (Closed)

今日同朋友去食法國菜，聽朋友講間餐廳環境好有藝術感。去到大堂已經有華麗嘅感覺，餐廳仲要用專用電梯添。去到2樓，一邊係室外用餐區，我哋由另一邊進入餐廳。一入到去就已經感受到餐廳高貴氣質，餐廳裝修好有歐陸風格，而且樓底高，環境好舒服而且好寬敝。四周圍都擺放咗呢個豬咀小姐嘅畫做佈置，高貴得來添有少少童真。可以直接望到入廚房添。參觀左一輪開始睇嘢食啦，weekend brunch menu 有Tapas (free flow) ，main course 同甜品。仲可以加生蠔，紅白酒，汽水同果汁。聽講呢度啲生蠔好食所以加咗半打生蠔。白酒味道較甜而且唔溼配生蠔一流，生蠔極之肥美，好新鮮海水味濃，而且好creamy，個番茄醬好特別入邊有蕃茄蓉，而且味道適中。Tapas 有六種選擇，蝦肉蒜味濃而且爽口彈牙，薯條散發住黑松露香味，炸丸子口感非常香脆，烤過嘅番茄味道非常獨特，Parma Ham 加埋蕃茄一齊食另有一番風味。主菜點左羊肉六成熟，外皮燒到有微微焦香，中間半熟嘅羊肉肉嫩多汁，點上醬汁更甜美味。另一主菜烤乳豬，乳豬皮脆肉嫩。最後甜品係麵包布丁，甜度恰到好處，令人一試難忘。