相撲手日式放題 (Closed)

我地3個女仔約左行尖沙咀，一早已經bk左食放題，呢間相撲手之前係網上睇過話有時段會表演即劏藍鰭吞拿魚！好期待丫～我地bk左6:15既時段，上到去都未開始坐爆，裝修帶點日本風！呢間放題有好多野食同其他放題唔同～有黑松露鵝肝壽司，舊鵝肝好嫩，仲有濃濃黑松露味～正～仲有任食生蠔，食完再可以點過～炸物我地叫左八爪魚丸，金絲炸蝦，炸雞，同蟹蓋～炸雞好好味，蝦好香脆！必食！鐵板金菇肥牛卷，醬汁好味，牛包住好多金菇！又係鐵板，豚肉包住筍有安格斯牛粒～好厚肉，好味！燒茄子要特別推介，上面好多蒜蓉，一絲一絲咁食，好軟綿綿～羊架一d都唔會'騷'！今日7:30有表演，但係唔係即劏藍鰭吞拿魚，係開生蠔！可能平日唔會劏掛，變左開蠔，想食既可以排隊出去攞，又係食完可以再排～原來bk位前講左有人生日會有驚喜，會熄燈播生日歌送上藍鰭吞拿魚拖羅！拖羅碎加薯蓉，放入酥皮圈圈入面，外面好脆入面有軟！好似話每日得6份咋如果想食特別小小既放題可以試下，好多都同其他放題唔一樣既野食～