無極冰廳 (樂居樓)

Open Now

Now Closed

餐廳鄰近灣仔地鐵站，行過黎都好方便。一入去就見到餐廳係有擺過心思裝修，設計時尚，燈光光猛，而且坐位闊落，坐得舒服☺️下晝黎到叫左兩個下午茶餐，乾炒牛河同一口花生醬西多士配沙律🥗雖然只係下午茶，個牛河係用大大隻碗裝住，估唔到份量有咁多。牛河炒得好有鑊氣，又唔會話好油膩，岩岩好。本身食落好夠味，我推薦落少少辣椒油一齊食，辣椒油唔算辣既，但可以令到個河粉更加香口！而牛肉一樣入味，如果煮得再淋d就更好😋一口西多士份量都唔係得一口咁少，睇圖都見到係大大件。西多士入面就係濃濃既花生醬，認真惹味！沙律應該用左罐頭雜果，但唔見有出水，沙律醬亦都調教得唔錯👍