黑目 (Closed)

又係時間開餐啦，諗緊食咩好嘅時候，上網搵到呢間西日餐廳，即時滿足晒我兩個要求，有西有日。好，坐低睇下有咩好食先。味噌蟹膏甲羅燒，非常豐富，蟹子蟹肉滿滿的，拌埋咸香味嘅蟹膏，好味！爐燒金蠔，醬汁緊緊鎖係蠔身上，裡裡內內都好入味。安格斯牛柳，燒得唔錯，有牛味，咬落仲好有肉汁。雞腎，爽脆雞腎。三重芝士手做和牛肉漢堡配薯條，估唔到呢度既burger又做得幾好，厚厚嘅漢堡好有肉香，食落又有咬勁，中間仲有芝士薄脆。泰陰公海鮮意粉，帶子大大粒，成個意粉都好似飲緊冬陰公湯咁，幾特別。最後叫左Marble soda，greentea latte，latte有隻貓貓匙羹，好可愛！