忠記義

Open Now

Now Closed

過年期間見到威非路道開咗間新餐廳，今日終於有時間來試新嘢，同老婆撐台腳，叫咗3個小菜:陳醋菠蘿咕嚕肉，蝦乾炒唐生菜，鳳尾蝦蒸水蛋，本來呢D就係普通嘢，冇期望，不過老婆點菜冇得say no，唯有張就係，點知咕嚕肉一上台，陳醋香味即時令我食指大動，正！蒸水蛋就更驚喜，用個蛋殼形嘅碗蒸，夠新意，裡面仲有帶子蟹柳，有誠意有新意，成2吋厚嘅蛋蒸出來一D都唔老，廚房有料到，唐生菜就屬正路嘢，期間同老闆吹咗幾句，推薦咗鵝肝多士，賣相唔錯，鵝肝夠大件，唔會覺得淨食多士，值得推介，下次要試埋其他菜，對呢間鋪頭有期望，中意食中菜嘅不防一試。