Video
Read full review
2024-08-01
183 views
📍三人行燒烤店 ⭐️有誠意抵食串燒小店如果你想搵間性價比高嘅串燒店，三人行燒烤店絕對係你不二之選。呢間餐廳好近旺角地鐵站，餐廳裝修乾淨企理，真係好適合朋友聚會😚呢度嘅餐牌種類亦非常全面，由蔬菜、肉類、海鮮到甜品應有盡有，肯定可以滿足到唔同口味嘅朋友🥰餐廳食物質素非常高，串燒都燒得啱啱好，唔會出現燒過龍或者唔夠熟嘅情況😉而且價錢相當合理，大部分串燒都係二三十蚊左右，就算係特色或者稀有部位都唔會太貴，性價比超高🤩⭐️大力推薦👍🏻👍🏻👍🏻👍🏻✨日式汁燒魷魚筒 $79原條魷魚筒，外層燒到焦香脆口，内層肉質鮮甜Q彈，加埋日式燒汁同埋少少辣粉，真係好味到不得了🤤✨芝士煙肉大啡菇 $32 呢一個真心好好食！我超鍾意🥰 芝士味超級濃郁，煙肉同大啡菇嘅碰撞，甜中帶鹹，超正！✨安格斯牛肋串 $26牛肋串微辣，牛味好濃，肉質鮮嫩，超推！✨金菇肥牛卷 $22金菇同肥牛卷嘅絕妙組合，口感豐富✨煙肉蘆筍卷 $22煙肉燒得好香脆，加埋鮮甜嘅蘆筍，好有誠意✨鹽燒牛舌串 $26牛舌夠厚，鹽燒得啱啱好✨燒日式雞泡魚干 $42食得出係新鮮現烤，外脆內嫩✨牛油金針菇 $32金菇嘅鮮甜同濃濃嘅牛油互相輝映，帶來濃郁嘅口感同風味✨
如果你想搵間性價比高嘅串燒店，三人行燒烤店絕對係你不二之選。呢間餐廳好近旺角地鐵站，餐廳裝修乾淨企理，真係好適合朋友聚會😚呢度嘅餐牌種類亦非常全面，由蔬菜、肉類、海鮮到甜品應有盡有，肯定可以滿足到唔同口味嘅朋友🥰
餐廳食物質素非常高，串燒都燒得啱啱好，唔會出現燒過龍或者唔夠熟嘅情況😉而且價錢相當合理，大部分串燒都係二三十蚊左右，就算係特色或者稀有部位都唔會太貴，性價比超高🤩
⭐️大力推薦👍🏻👍🏻👍🏻👍🏻
✨日式汁燒魷魚筒 $79
原條魷魚筒，外層燒到焦香脆口，内層肉質鮮甜Q彈，加埋日式燒汁同埋少少辣粉，真係好味到不得了🤤
✨芝士煙肉大啡菇 $32
呢一個真心好好食！我超鍾意🥰 芝士味超級濃郁，煙肉同大啡菇嘅碰撞，甜中帶鹹，超正！
✨安格斯牛肋串 $26
牛肋串微辣，牛味好濃，肉質鮮嫩，超推！
✨金菇肥牛卷 $22
金菇同肥牛卷嘅絕妙組合，口感豐富
✨煙肉蘆筍卷 $22
煙肉燒得好香脆，加埋鮮甜嘅蘆筍，好有誠意
✨鹽燒牛舌串 $26
牛舌夠厚，鹽燒得啱啱好
✨燒日式雞泡魚干 $42
食得出係新鮮現烤，外脆內嫩
✨牛油金針菇 $32
金菇嘅鮮甜同濃濃嘅牛油互相輝映，帶來濃郁嘅口感同風味
✨雞中翼 $18
燒雞翼係我嘅至愛，呢度燒得恰到好處，皮脆肉嫩，我之後都忍唔住再encore咗一串😋
⭐️中推👍🏻👍🏻👍🏻
✨蒜蓉燒原條茄子 $38
原條茄子其實味道係比較淡，但呢度燒得啱啱好，皮都唔會燶，茄子鋪滿蒜蓉，蒜蓉味超級濃，彌補咗本身茄子唔夠味嘅缺點
✨牛柳串 $18
✨豬頸肉串 $20
兩者肉質嫩而不韌，燒烤得恰到好處，非常juicy
✨雞軟骨 $16
雞軟骨燒得幾脆口，雞肉又嫩滑，加埋少少調味料，食落更香口
✨黑毛豬肋串 $26
黑毛豬肥瘦適中，肉質有咬口，加埋泰式醬汁，零舍有風味
⭐️小推👍🏻👍🏻
✨雞髀菇 $14
✨牛油燒原條粟米 $24
✨冬菇 $14
✨韭菜 $14
✨翠玉瓜 $26
✨菠蘿$16
以上其實燒得幾好味，口感唔錯，只係我個人鍾意食肉多過食菜😂 相反我朋友鍾意食蔬菜串燒多啲，所以佢就好滿意😋
✨多春魚 $22
味道幾好，不過燒得有少少乾身
✨ 青島啤酒 $28
大大支青島啤酒，絕對抵飲
✨ 熱情果梳打 $26
同樣大大杯，熱情果味出
✨忌廉溝鮮奶 $12
配搭串燒一流
所有串燒都可以揀唔辣，小辣、中辣、大辣，非常貼心。整餐嚟講，真係冇一樣嘢覺得難食，全部都係高質素嘅串燒選擇，真心推介。
👍🏻👍🏻👍🏻👍🏻（最推薦）- 👎🏻（可以唔使試）
Post
