Video
Read full review
2019-09-26
81 views
夜晚入大埔探個朋友順便一齊食晚飯，見到附近有間好間新開既居酒屋，鐘意日本町既我地梗係第一時間去試吓啦！我地都算早去，所以唔洗等就入到去食，餐廳裡面好有日式風格，而且一啲都唔迫，好岩一班朋友黎食飯聚會！店員都好友善，會推薦餐廳既美食。而且落單係用自己電話掃描QR code落，好方便，就算多人都唔會要等好耐先落到單！而且無智能電話/無電餐廳都有tablet可以借用，好體貼！我地叫左店員推薦既刺身拼盤B。個拼盤擺得勁靚勁豪華，而且全部刺身都好鮮甜無魚腥味！難得依度有得食日本蠔刺身，勁大粒而且好鮮甜！海膽都難得唔腥，好食！另外仲叫左串燒拼盤，好足料有足足六款串燒，而且大部分都至少有三粒，我哋三個人分岩岩好！餐廳仲俾埋自家製麻辣海鹽同香草檸檬鹽，令蔬果串燒更鮮甜，肉串更惹味！👍🏼隨此之外我地仲叫左一個飯一個麵share~最有驚喜既係個汁燒豚肉飯，比起豚肉串燒，飯上面啲串燒更juicy！好好食😋烏冬好滑，配合醬油湯底一齊食清清地岩岩好！最後食得興起我地仲加左小町飯encore😂原來即係生雞蛋牛油醬油拌飯，雖然好簡單，不過隻蛋好新鮮好好食😍餐廳有免費既玄米茶，好濃好香，同平時其他日本餐廳飲到既茶色水
我地都算早去，所以唔洗等就入到去食，餐廳裡面好有日式風格，而且一啲都唔迫，好岩一班朋友黎食飯聚會！
店員都好友善，會推薦餐廳既美食。而且落單係用自己電話掃描QR code落，好方便，就算多人都唔會要等好耐先落到單！而且無智能電話/無電餐廳都有tablet可以借用，好體貼！
我地叫左店員推薦既刺身拼盤B。個拼盤擺得勁靚勁豪華，而且全部刺身都好鮮甜無魚腥味！難得依度有得食日本蠔刺身，勁大粒而且好鮮甜！海膽都難得唔腥，好食！
刺身拼盤B
$398
7 views
0 likes
0 comments
另外仲叫左串燒拼盤，好足料有足足六款串燒，而且大部分都至少有三粒，我哋三個人分岩岩好！餐廳仲俾埋自家製麻辣海鹽同香草檸檬鹽，令蔬果串燒更鮮甜，肉串更惹味！👍🏼
串燒拼盤
$138
3 views
0 likes
0 comments
隨此之外我地仲叫左一個飯一個麵share~最有驚喜既係個汁燒豚肉飯，比起豚肉串燒，飯上面啲串燒更juicy！好好食😋
汁燒豚肉飯
$68
8 views
0 likes
0 comments
烏冬好滑，配合醬油湯底一齊食清清地岩岩好！
醬油湯烏冬
$38
5 views
0 likes
0 comments
最後食得興起我地仲加左小町飯encore😂原來即係生雞蛋牛油醬油拌飯，雖然好簡單，不過隻蛋好新鮮好好食😍
小町飯
$38
12 views
0 likes
0 comments
餐廳有免費既玄米茶，好濃好香，同平時其他日本餐廳飲到既茶色水完全唔同，值得一飲！
6 views
0 likes
0 comments
食左咁多好野最後都係每人二百蚊左右，唔算好貴，下次可以約多啲朋友黎再食多幾款野食！
Post
