紫蝶花 (Closed)

今晚行完將軍澳中心黎到呢間紫碟花, 人唔算多但見佢食物款式多, 所以就黎試一試!喇沙海鮮焗飯我地都係第一次見所以要試下, 一黎見到焗得好靚, 喇沙味唔會太濃而飯底係有炒過既, 新鮮既配搭食落都好夾, 唯一係海鮮相對少左啲, 如果份量再多啲就perfect!泰式金邊粉呢個上台又係勁香, 除左花生粒外仲有辣椒碎, 可以每啖澇少少食。金邊粉炒得好香同埋好多料, 基本上每夾一啖都有唔同料一齊, 同樣叫左少油之後食落再乾身啲, 好滿足又唔肥膩!星洲炒蘿蔔糕見到隔離台都嗌呢個好似好正咁, 我地都唔執輸, 落單個陣可以叫少油就食落健康啲同埋唔會食到底被油浸住。 xo醬好香濃同埋蘿蔔糕真係好夾, 蘿蔔糕亦都切粒, 但又唔會散哂同埋冇料, 都食到有臘腸粒!馬來咖哩牛肋條+手抓餅朋友唔食粉麵就叫左呢個配搭, 牛肋條細細粒好影食, 咖哩亦都有好濃椰香味, 送飯或手抓餅都一流紫碟花蜂蜜檸檬梳打呢個真係好有驚喜, 係用左蜂漿, 所以蜂蜜味好重同埋入味, 加埋紫紫地既檸檬梳打好開胃, 未食哂餐飯已經飲哂了