貴緣小鍋米線 (和富)

Open Now

Now Closed

之前在舊舖有幫襯過，覺得幾好味服務又幾好，但早前經過見佢執咗都覺得可惜. 但原來佢哋在北角開了，去開果頭當然要回味吓. 新舖比舊舖寬躺，在商場內環境格局都比之前舒適. 今次叫咗招牌酸辣湯米線，選了中小辣，特濃新鮮蕃茄湯紅薯粉，配料大推冬菇皇，大大舊，軟身而且好入味，咬落去好多汁，真心正👍🏻.滷水雞翼亦都滷到好入味，感受到有花時間去製作食材.蘿蔔清甜無渣，大大舊絕不孤寒. 蕃茄湯茄味濃郁，唔使好杰身但也有豐富濃郁蕃茄味，而且有好多蕃茄，成個湯充滿維生素C，健康又好味. 另外叫咗碟菜心、蒜泥白肉、重慶口水雞翼及椰青水，菜心爽口脆綠，蒜泥白肉微辣蒜味惹味，重慶口水雞翼係冷盤來，肉嘅質感有啲似醉雞，辣味出. 最後飲啖涼浸浸嘅椰青水，中和辣味，成件事好滿足.