KLN Cafe (Closed)

本身諗住同老婆去駿業街熟食市場食雞煲，點知雞煲冇開，變為一間幾有情調既西餐廳。見到幾個含羞答答而又好nice既年輕人誠意邀請，好，一於試下。裝修新淨，舒服，而且見價錢合理，就點了黑松露汁意大利飯配蜆肉帶子、墨汁意大利麵配牛柳粒溫泉蛋，再加個鴨胸生菜沙律，兩支手工啤酒。黑松露飯香口，好有黑松露味，配合帶子蜆肉，味道絕不迅色於貴價西餐廳，而且帶子跟蜆肉一d都唔靭，絕配!墨汁意大利麵加溫泉蛋，蛋漿可以令本身太杰既墨汁變得柔軟，又係好match,牛柳粒有濃濃牛味而唔太老，令我大感意外。估唔到幾個二十出頭既後生仔可以有如此水準。鴨胸再配生菜一同放入口，不油不膩，再加啤酒來食，一流。而且見到幾個年輕人如此虛心問食客意見，直是難得，望佢地再設計多d菜式，越做越好。