米亭 (Closed)

深水埗福榮街嗰頭好多嘢食， 行行下比間米線店內巨型壁畫吸引住，見價錢同環境都幾Ok，就入去食了。叫咗兩份餐韭菜豬肉餃子共五隻配上海麵配濃花膠雞湯 (加15蚊)， 雖然要加錢，但真是值得一試， 因為已經包多咗兩隻雞腳同幾嚿花膠。 湯底有濃濃的雞湯味， 又唔覺肥膩。而餃子方面唔算話好特別 ，勝在夠特大隻同足料 ，味道調得剛剛好。秘製脆汁豬扒米線跟豆乳豚骨湯，塊豬扒肥瘦均勻唔會太鞋口，夠厚身，還能保持肉汁， 放咗炸蒜喺豬扒上面， 多左蒜香，豐富了口感。油菜加十蚊跟餐加錢可以揀好多健康特飲，例如竹蔗茅根水，六花茶，都係獨立樽裝的， 感覺乾淨衛生， 也是不錯的健康選擇。