大記攦粉糕點專門店 (Moved) New Location

去花墟買花，知道附近有好多好野食，既然未食過攦粉，不如一試，點知有驚喜。仲以為係普通粉麵，食落先知口感咁獨得，比起平時食的米線爽一點，亦都較為粉少少，就好似食幼條銀針粉一樣，哩種味道我從來都未試過，所以好surprised！除了個粉好特別之外，亦有好多特別配餸，個炸魚腐好香，軟硬適中，非常可口，要一讚！炸墨魚卷果然名不虛傳，皮很香脆，餡內咬到好實在的墨魚，一碗麵附有6條真係好滿足。個芝麻糕係我食過咁多個芝麻最濃味的一個，跟住買多幾包散裝返去食添。