盛意小館點心粥麵

Open Now

Now Closed

難得今日放假，好耐無飲茶食點心，心血來潮就黎到呢間「盛意點心小館」裝潢用左藍色做主調，勁靚睇得出有心思，唔同啲傳統酒樓啲舊式裝修，呢到一眼望落去勁舒服除左常見點心之外亦有生滾粥同粉麵，貌似呢到豬潤粥都好似幾出名，見到牆上面大大隻字，可能係招牌，不過我地唔太食內臟所以無叫朋友講左好耐想食雲吞麵，咁岩見到呢到有即刻叫左一色水唔錯加左蔥菜有啲綠色幾好睇，主角蝦肉雲吞幾足料，食落彈見到隔離枱有呢個豬豬包好得意我地又叫其實係流沙包，真係好流心唔係奶黃包，不過啲包皮厚左少少燒賣係豬肉燒賣無蝦仁，食落好軟身，中意食淋燒賣既人岩晒鳳爪無酒樓個啲咁紅咁，醬汁亦無咁杰身，不過食落味道又幾好食，鳳爪好入味軟身叉燒腸好足料，入面滿滿叉燒粒，入口啖啖肉好正蟲草綿花雞，雞肉嫩滑調味亦足，底下啲豬皮索晒啲汁勁好食小籠包要一讚，層皮勁薄夾起身可以見到入啲湯汁，咬落去真係feel到好多湯汁流出黎，好食過部分上海鋪啲「招牌」小籠包，好高質