Video
Read full review
2009-07-25
23 views
住o係上環o既我、依排食厭o左銅鑼湾D野、有時都会同朋友同屋企人去下大坑浣紗街果頭搵野食。果頭都幾容易泊車、好方便我依D有小朋友o既人。大坑浣紗街果頭久吾久都見開新o野、得意果D我都会去試下。見o岩o岩開o左間新火鍋店、早幾日就同屋企人去試o左。依間叫潮民火鍋店、我問個服務生点解、佢話係“潮”同潮式火鍋咁解、D食物同湯底無味精、D牛肉用安格斯黑牛、同有好幾種潮洲出産o既潮式食品好似牛胸口、牛脚筋、牛丸。。地点好容易搵、好近小甜谷。間舖望落幾Cute、D Design幾靚、幾有潮味o既。値得一讚o既係周圍連都廚房好乾淨。間舖有兩層, ２樓比地舖哩一層大。我地上o左２樓坐、成個感覚比人一種Homy feel、相當舒適。服務生好禮貌、詳細介紹自家製o既特色湯、有牛奶清酒雞湯、蕃茄濃骨湯、牛腩湯同麻辣湯等。又有自家製手打丸、手包餃子（有D有鮑魚！）、酔走地鶏、老板親自製o既草本飲料。重有海鮮、有黃鮋魚、北海道帶子、蟹、海蝦等等。不過見佢有套餐先至$148、可以試好多野、有羊扒架、安格斯黑牛, 仲有潮州牛脚根牛丸牛舌同幾種菜。包埋湯底、所以我o地叫o左４個套餐、試下D質素先。我地一落単、服務生比
依間叫潮民火鍋店、我問個服務生点解、佢話係“潮”同潮式火鍋咁解、D食物同湯底無味精、D牛肉用安格斯黑牛、同有好幾種潮洲出産o既潮式食品好似牛胸口、牛脚筋、牛丸。。
地点好容易搵、好近小甜谷。間舖望落幾Cute、D Design幾靚、幾有潮味o既。値得一讚o既係周圍連都廚房好乾淨。間舖有兩層, ２樓比地舖哩一層大。我地上o左２樓坐、成個感覚比人一種Homy feel、相當舒適。
服務生好禮貌、詳細介紹自家製o既特色湯、有牛奶清酒雞湯、蕃茄濃骨湯、牛腩湯同麻辣湯等。又有自家製手打丸、手包餃子（有D有鮑魚！）、酔走地鶏、老板親自製o既草本飲料。重有海鮮、有黃鮋魚、北海道帶子、蟹、海蝦等等。
不過見佢有套餐先至$148、可以試好多野、有羊扒架、安格斯黑牛, 仲有潮州牛脚根牛丸牛舌同幾種菜。包埋湯底、所以我o地叫o左４個套餐、試下D質素先。
我地一落単、服務生比o左十幾種醬料我地。全部都好新鮮、特色Do既有自家製o既醬油、泰國甜酸辣醬（好清香！）。混下醬都幾得意。佢地都係開o左１個星期、不過D菜都算出得好快。混完醬D菜就到。
我地要o左麻辣同牛奶清酒雞湯底。就咁飲牛奶清酒雞湯真係幾好味、好甜有雞味同食唔出味精味。
我個仔最鍾意安格斯黑牛粒、我都係、同埋潮州牛脚筋同牛丸都好好味！ 牛丸夠彈牙, 牛筋好淋、D羊扒都好新鮮。以前從來無試過打邊爐食羊扒、不過效果唔錯喎。
見D野都幾好食、我地要多o左酔走地鶏、黃鮋魚、蟹同鮑魚蕃茄餃子。全部都好好味、餃子就好特別。
我地重試o左老板親自整o既洛神花茶、話無加糖、好清、唔錯 。
我地食到好飽, 重食唔晒添。埋單計數加埋飲品, 五個人食左$８５０幾元, 都算OK！服務生話下次用炭爐燒牛肉粒同羊扒、会好好味喎。個炭爐係免費、可惜今次試唔到、下次啦。今次我地都好満意、一定会再黎o既！
Post