Video
Read full review
2022-10-25
438 views
上星期同最鍾意食omakase嘅友人慶祝生日，千挑萬選後揀咗開業半年嘅舍🍣 -🥢木 Ki $1380-．前菜3點師傅以精緻嘅八邊形碟上晒三道前菜，包括白蘆筍配蛋黃魚鬆、蕃茄果凍同水雲醋，全部都酸酸甜甜好開胃🍅．溫泉蛋雞蛋以65度水煮十分鐘製成，蛋黃流心冰涼，灑上柚子碎非常清爽🍳．季節刺身5款刺身分別有日本兵庫縣嘅石蠔、鰤魚腩、北海道粒貝、鰆魚同秋刀魚，肥美嘅生蠔同辣椒蘿蔔蓉柚子酸汁完美結合，鮮味同時充滿層次！另一重點必定係盛產於秋天嘅秋刀魚，個種獨有嘅秋刀魚油脂香令人回味無窮🍂．壽司5貫壽司包括北海道活帶子、金目鯛、青森大畑野生大拖羅、北海道高橋馬糞海膽同黑鯥魚，想講呢個海膽係bellofood近期食過最好味嘅海膽！冇落任何防腐劑嘅海膽清甜冰涼，真係超級高質🤤 而黑鯥魚係我第一次食，帶有濃郁油香～．料理1品師傅為我地安排咗天婦羅料理，天婦羅炸漿薄脆，香口同時保留到食物嘅原味，熟食師傅手藝真係相當了得！目光魚魚肉白淨嫩滑，南瓜外脆內粉甜，點上以櫻花蝦同木魚花製成嘅汁，好味！．卷物師傅將吞拿魚、紫蘇葉、芝麻等材料製成拖羅蓉小卷，爽口得黎味道層次豐富🌿-．湯 魚湯濃郁魚香味，加上洋蔥、甘筍、
-
🥢木 Ki $1380
-
．前菜3點
師傅以精緻嘅八邊形碟上晒三道前菜，包括白蘆筍配蛋黃魚鬆、蕃茄果凍同水雲醋，全部都酸酸甜甜好開胃🍅
．溫泉蛋
雞蛋以65度水煮十分鐘製成，蛋黃流心冰涼，灑上柚子碎非常清爽🍳
．季節刺身5款
刺身分別有日本兵庫縣嘅石蠔、鰤魚腩、北海道粒貝、鰆魚同秋刀魚，肥美嘅生蠔同辣椒蘿蔔蓉柚子酸汁完美結合，鮮味同時充滿層次！另一重點必定係盛產於秋天嘅秋刀魚，個種獨有嘅秋刀魚油脂香令人回味無窮🍂
．壽司5貫
壽司包括北海道活帶子、金目鯛、青森大畑野生大拖羅、北海道高橋馬糞海膽同黑鯥魚，想講呢個海膽係bellofood近期食過最好味嘅海膽！冇落任何防腐劑嘅海膽清甜冰涼，真係超級高質🤤 而黑鯥魚係我第一次食，帶有濃郁油香～
．料理1品
師傅為我地安排咗天婦羅料理，天婦羅炸漿薄脆，香口同時保留到食物嘅原味，熟食師傅手藝真係相當了得！目光魚魚肉白淨嫩滑，南瓜外脆內粉甜，點上以櫻花蝦同木魚花製成嘅汁，好味！
．卷物
師傅將吞拿魚、紫蘇葉、芝麻等材料製成拖羅蓉小卷，爽口得黎味道層次豐富🌿
-
．湯
魚湯濃郁魚香味，加上洋蔥、甘筍、大葱等蔬菜熬煮而成，鮮甜十足🐟
．甜品
最後就到甜品環節！煙韌嘅黃豆粉蕨餅配上十勝紅豆同黑糖漿 ，女仔一定鍾意☺️ 必須一讚餐廳可以安排tailor made繪於生日碟上嘅圖案，友人見到個Kuromi圖案超開心，happy🥳
順道一提，見到佢地出咗個期間限定lunch，omakase都只係$380🤩 真心可以一戰！
Post
