Video
Read full review
2019-07-17
3516 views
身邊有朋友係素食者，如果去普通餐廳食唔係唔可以，但相對選擇上會比較多限制，雙方都冇食得咁開心，所以同素食朋友都會揀返素食餐廳，上網一搵，呢間「雅悠蔬食」已經係好頭既位置，抱有期望嚟試下。餐廳內外Reception 位置分隔左餐廳有左右兩面，屏風隔住左面同右面食客，所以冇咁嘈吵，同朋友傾計舒服啲。食物選擇Dinner Set相對比較抵食，當然都有散叫，由前菜、小吃到主菜、甜品都有。叫左2個Dinner Set，青咖哩野菜猴頭菇配印度薄餅及日本珍珠米($258)及黑皮雞縱菌鮮豆包白松露薯蓉焗千層麵 ($248)，價錢由主菜而定，包括前菜、手卷、湯品、主菜、甜品，飲品就需要另外加配。前菜：四喜烤麩及紅火龍果藜麥沙律伴無花果黑醋及羅馬蕃茄藜麥伴胡麻醬我自己幾中意食上海烤麩，軟綿綿好似海綿咁，吸附醬汁好惹味，紅火龍果好清甜，兩個Dinner Set有4小碟前菜都好足夠。手卷：香芒牛油果首蓿芽手卷、蘆筍素香鬆首蓿芽手卷未試過食首蓿芽代替飯既手卷，一款係蘆筍，另一款係香芒牛油果，我食香芒牛油果果款，包左好幾塊紫菜，所以好脆口，首蓿芽本身冇乜味，配搭都幾得意。湯品：周打黃耳桃膠忌廉濃湯、太子參黃耳馬蹄
餐廳內外
Reception 位置分隔左餐廳有左右兩面，屏風隔住左面同右面食客，所以冇咁嘈吵，同朋友傾計舒服啲。
食物選擇
Dinner Set相對比較抵食，當然都有散叫，由前菜、小吃到主菜、甜品都有。
叫左2個Dinner Set，青咖哩野菜猴頭菇配印度薄餅及日本珍珠米($258)及黑皮雞縱菌鮮豆包白松露薯蓉焗千層麵 ($248)，價錢由主菜而定，包括前菜、手卷、湯品、主菜、甜品，飲品就需要另外加配。
前菜：四喜烤麩及紅火龍果藜麥沙律伴無花果黑醋及羅馬蕃茄藜麥伴胡麻醬
前菜：四喜烤麩及紅火龍果藜麥沙律伴無花果黑醋及羅馬蕃茄藜麥伴胡麻醬
64 views
0 likes
0 comments
四喜烤麩
19 views
0 likes
0 comments
我自己幾中意食上海烤麩，軟綿綿好似海綿咁，吸附醬汁好惹味，紅火龍果好清甜，兩個Dinner Set有4小碟前菜都好足夠。
手卷：香芒牛油果首蓿芽手卷、蘆筍素香鬆首蓿芽手卷
未試過食首蓿芽代替飯既手卷，一款係蘆筍，另一款係香芒牛油果，我食香芒牛油果果款，包左好幾塊紫菜，所以好脆口，首蓿芽本身冇乜味，配搭都幾得意。
湯品：周打黃耳桃膠忌廉濃湯、太子參黃耳馬蹄花菇燉湯
西式忌廉湯加比較中式既桃膠都係第一次，鹹度適中，唔會太稠身，加左桃膠有野咬下咁。花菇燉湯幾清甜，同埋好足料。
主菜：青咖哩野菜猴頭菇配印度薄餅及日本珍珠米 $258
Dinner Set：青咖哩野菜猴頭菇配印度薄餅及日本珍珠米
$258
30 views
0 likes
0 comments
Dinner Set：青咖哩野菜猴頭菇配印度薄餅及日本珍珠米
$258
10 views
0 likes
0 comments
猴頭菇配印度薄餅再加日本珍珠米，一道菜用三個國家既食物，真係好有心思同諗頭，到底夾唔夾呢？青咖哩對我嚟講唔辣，甜甜地，幾惹味，猴頭菇本身既口感煙煙韌韌咁，又索汁，配咖哩好唔錯，而印度薄餅比較薄身同油膩少少，可以更乾身香口，但點咖哩食都可以。
主菜：黑皮雞縱菌鮮豆包白松露薯蓉焗千層麵 $248
Dinner Set：黑皮雞縱菌鮮豆包白松露薯蓉焗千層麵
$248
62 views
0 likes
0 comments
Dinner Set：黑皮雞縱菌鮮豆包白松露薯蓉焗千層麵
$248
6 views
0 likes
0 comments
未食過素既焗千層麵，望外型唔會知係素，以為平時食開既千層麵，芝士足，本身既肉醬由白松露薯蓉同埋藜麥代替左，食落冇平時既咁膩，薯蓉溶溶既口感配有咬口既麵皮，仲有類似豆腐干既野墊低，口感豐富，亦十分飽肚。
甜品：黑芝麻豆腐千層班㦸 +$25、百爵紅茶乳酪蛋糕
百爵紅茶乳酪蛋糕
9 views
0 likes
0 comments
加左$25要黑芝麻豆腐千層班㦸，造型可以，入口重黑芝麻味，有啲似黑豆豆漿既味，可惜蛋糕皮造得比較厚，影響口感，未能做到入口即化。而百爵紅茶乳酪蛋糕就幾岩我地口味，百爵同紅茶兩者味道都食得，口感似cheesecake，不錯。
飲品：藍碟花雪梨汁 +$20
飲品唔包，都要加配，加配項目之中揀左藍碟花雪梨汁，配搭幾特別，飲落都係以雪梨味為主，頗清甜解渴。
餐廳係走既時候已經全場爆滿，亦冇令我同朋友失望，就算係素菜，都可以有唔同變化，將中西甚至係日泰結合一齊，有花心思，如身邊有素食者不妨帶佢嚟試下。
Post
